Oberow 19:9 - An Bibel Kernewek 20234 (Kernewek Kemmyn)

⁹ Mes drefenn bos re anedha penn-kales ha diskryjyk, ow kewsel drog a-dro dhe'n Fordh a-rag an routh, ev a omdennas dhiworta hag ow kemmeres an dhyskyblon ganso, yth esa ow tadhla pub dydh yn skol Tyrannus.

Oberow 19:9 Iomraidhean Croise

2 Myghternedh 17:14

Ny vynnsens goslowes mes kales aga hilbenn ens, dell ens aga thasow na grysi y'n Arloedh aga Duw.

2 Kroniklys 30:8

Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Nehemia 9:29

Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Salmow 95:8

Na galeshewgh agas kolonn kepar dell wrussowgh yn Meriba, hag yn dydh Massa y'n difeyth,

Lavarow Koth 8:34

Gwynnvys an den hag a woslow orthiv, ow koelyas pub dydh war ow yet, ow kwitha war bostow ow darasow.

Ysay 8:14

Ev a vydh sentri, ha men trebuchya ha karrek koedha dhe dhew ji Ysrael, hag antell ha maglenn rag annedhysi Yerusalem.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Matthew 16:4

Henedh drog hag avoutrek a hwila tokyn, mes ny vydh tokyn res dhodho saw tokyn Yona.’ Hag ev a's gasas ha mos yn-kerdh.

Matthew 26:55

Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Yowann 12:40

‘Ev re dhallhas aga dewlagas, hag ev re galeshas aga holonn, rag na hwrellons gweles gans aga dewlagas, na konvedhes gans aga holonn, na bos treylys, may hwrylliv aga sawya.’

Oberow 11:26

ha pan y'n kavas ev a'n dros dhe Antiogh. Dell hwarva ynwedh i a omguntellas gans an eglos dres blydhen dhien, ha dyski niver meur a dus. Hag yn Antiogh yn kynsa an dhyskyblon a veu henwys Kristonyon.

Oberow 14:4

Mes rynnys o pobel an sita hag yth esa rann anedha gans an Yedhewon, mes re erell gans an abesteli.

Oberow 17:4

Ha re anedha a veu treylys, hag i a junyas gans Powl ha Silas, keffrys ha routh vras a'n Grekys kryjyk ha meur a venynes a roweth.

Oberow 19:23

Lemmyn yth esa a-dro dhe'n termyn na meur a dros a-dro dhe'n Fordh.

Oberow 19:30

Powl a vynnas entra yn kuntelles an bobel, mes ny ros an dhyskyblon kummyas dhodho.

Oberow 20:31

Rakhenna bedhewgh war, ow perthi kov na astelas vy keski pub huni dres teyr blydhen nos ha dydh, gans dagrow.

Oberow 22:4

My a helghyas an Fordh ma bys y'n mernans, ow kelmi ha gwer ha benynes hag orth aga gorra yn prison,

Oberow 24:21

marnas y feu an unn lavar ma a griis vy, ow sevel yn aga mysk, “Yth esov vy ow pos breusys a-ragowgh hedhyw a-dro dhe dhasserghyans a'n re varow.” ’

Oberow 28:22

Mes ni a garsa klewes genes an pyth a brederydh; rag yn hwir, a-dro dhe'n sekt ma ni a woer y kewsir yn pub le er y bynn.’

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Oberow 9:2

ha pysi dhiworto lytherow dhe'n synagys yn Damaskus may trolla yn kelmys dhe Yerusalem myns a dus an Fordh a gaffa, ha gwer ha benynes.

Romanyon 11:7

Pandra ytho? Ysrael a fyllis a gavoes an pyth a hwila. An re dhewisys a'n kavas ha'n re erell a veu kaleshes,

Romanyon 9:18

Ytho ev a gemmer mersi war geniver a blekkyo dhodho hag ev a galesha kolonn keniver a blekkyo dhodho.

1 Korinthianys 16:9

rag daras efan hag effeythus yw igerys dhymm rag gonis meur y les, hag yma meur a dus usi ow sevel er agan pynn.

1 Timothi 6:5

ha'n dadhlow heb worfenn a dus legrys aga brys, ha'n gwir kemmerys dhiworta i, a dyb sansoleth dhe vos mayn rag kavoes gwayn arghansek.

2 Timothi 1:15

Ty a woer an re oll yn Asia dhe dreylya dhiworthiv, Fygelus ha Hermojenes yn aga mysk.

2 Timothi 3:5

gans semlans sansoleth mes ow nagha y alloes. Treyl dhiworth an re ma.

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.

Ebrowyon 3:13

Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow.

2 Peder 2:12

Mes an re ma, kepar ha bestes heb reson dineythys war-lergh natur dhe vos kechys ha distruys, ow plasfemya a-dro dhe daklow na wodhons, a vydh distruys y'n keth vaner,

2 Peder 2:2

Ha lies a wra siwya aga fara direwl, ha drefenn an re ma y fydh fordh an gwiryonedh blasfemys.

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.