Oberow 19:21 - An Bibel Kernewek 20234 (Kernewek Kemmyn)

²¹ Pan veu kollenwys an taklow ma, ervirys o Powl yn y spyrys mos dhe Yerusalem, ow tremena dre Makedonia hag Aghaia, hag ev a leveris, ‘Wosa mos di, y koedh dhymm gweles Rom ynwedh.’

Oberow 19:21 Iomraidhean Croise

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Oberow 16:12

hag alena dhe Filippi, hag yw pennsita y'n rann na a Makedonia, trevesigeth romanek. Ha ni a wodrigas y'n sita ma niver a dhydhyow.

Oberow 18:12

Mes pan o Gallio prokonsul Aghaia, an Yedhewon, unys aga brys, a omsettyas erbynn Powl ha'y dhri dhe'n barr,

Oberow 18:21

mes ow kasa farwell ev a leveris, ‘Dos dhywgh arta a wrav, mar mynn Duw’; hag ev a woelyas dhiworth Efesus.

Oberow 19:22

Ha wosa dannvon dew a'y venysters, Timothi hag Erastus, yn Makedonia, ev a wortas pols yn Asia.

Oberow 19:29

Ha'n sita a veu lenwys a dheray, hag yn keskolonn i a fyskas y'n wariva, ow talghenna Gayus hag Aristarghus, tus a Makedonia, kowetha vyaj Powl.

Oberow 20:16

Rag Powl re ervirsa goelya dres Efesus, ma na spenna termyn yn Asia; rag yth esa ow fistena, mar kalla bos yn Yerusalem erbynn dy' Fenkost.

Oberow 20:22

Lemmyn otta, kelmys gans an Spyrys, yth esov vy ow mos dhe Yerusalem, heb godhvos an pyth a wra dos er ow fynn ena,

Oberow 21:17

Ha ni yn Yerusalem, an vreder a'gan degemmeras yn lowen.

Oberow 21:4

Hag ow kavoes an dhyskyblon ni a wortas ena seyth dydh. Der an Spyrys i a leveris dhe Powl nag ella yn-bann dhe Yerusalem.

Oberow 23:11

An nessa nos, an Arloedh a dheuth dhodho ha leverel, ‘Gwellha dha jer, rag dell dhuges dustuni dhe'n taklow a-dro dhymm yn Yerusalem, yndella y telledh ty dhe dhoen dustuni yn Rom ynwedh.’

Oberow 27:1

Pan veu ervirys ni dhe woelya dhe Itali i a dhaskorras Powl ha prisnoryon erell dhe benn-kangour a'n kohort awgustanek, henwys Yulius.

Oberow 27:24

ow leverel, “Na borth own, Powl, res yw dhis sevel a-rag Sesar, hag otta, Duw re ros dhis oll an re ma usi ow koelya genes.”

Oberow 28:16

Ha pan dheuthen yn Rom, Powl a veu gesys dhe driga y honan, gans an souder esa orth y witha.

Romanyon 1:11

Rag my a yeun agas gweles rag may rynniv dhywgh neb ro spyrysel dh'agas krevhe,

Romanyon 1:13

Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

Romanyon 1:15

ytho mall a'm beus oll dhe'm galloes a bregoth dhywgh ynwedh an re usi yn Rom.

1 Korinthianys 16:5

My a wra dos dh'agas gweles wosa tremena dre Makedonia, rag tremena a wrav dre Makedonia,

1 Korinthianys 4:19

Byttegyns my a wra dos dhywgh yn skon, mar mynn an Arloedh, ha diskudha an galloes, a-der an kows, a'n dus woethus ma;

2 Korinthianys 10:16

may pregewtthyn an aweyl y'n powyow yn-hons dhywgh, heb bostya a-dro dhe ober gwrys seulabrys yn ranndir nebonan arall,

Galatianys 2:1

Ena wosa peswardhek blydhen yth yskynnis arta dhe Yerusalem gans Barnabas, ow kemmeres Titus genev ynwedh;

1 Thessalonianys 1:7

mayth ethewgh ha bos ensampel dhe'n gryjygyon oll yn Makedonia hag Aghaia.