Oberow 19:13 - An Bibel Kernewek 20234 (Kernewek Kemmyn)

¹³ Mes re a'n hudoryon yedhowek gwandrek a assayas gelwel war hanow an Arloedh dres an re na hag ynna drog spyrysyon, ow leverel, ‘My a'th charj dre Yesu neb yw pregewthys gans Powl.’

Oberow 19:13 Iomraidhean Croise

Jenesis 4:12

Pan wonedhydh an dor, alemma rag ny vynn ev ri dhis y nerth. Ty a vydh gwandryas diannedh war an nor.’

Jenesis 4:14

Awotta, ty re'm chasyas hedhyw dhiworth enep an nor, ha my a vydh kudhys dhiworth dha fas, ha my a vydh gwandryas diannedh war an nor, ha seul a'm kaffo a wra ow ladha.’

1 Myghternedh 22:16

Mes an myghtern a leveris dhodho, ‘Pes termyn yw res dhymm gul dhis ti may leverydh dhymm travyth mes an gwiryonedh yn hanow an Arloedh?’

Salmow 109:10

Bedhes y fleghes gwandrysi ha beggyers; hwilens i alusen ynwedh pell dhiworth aga annedhow shyndys.

Matthew 12:27

Ha mar towlav vy dywolow yn-mes dre Belzebul, dre biw y's tewl agas mebyon? Rakhenna y fydhons i agas breusysi.

Matthew 26:63

Mes Yesu a dewis. Hag yn-medh an arghoferyas dhodho, ‘My a wra dha gonjorya re'n Duw bew dhe leverel dhyn mars osta an Krist, Mab Duw.’

Mark 5:7

hag a armas gans lev ughel ha leverel, ‘Pandr'a vynnydh tejy genev vy, Yesu, ty Vab an Duw Ughella? My a'th konjor a-barth Duw, na wrylli ow thormentya.’

Mark 9:38

Yowann a leveris dhodho, ‘Mester, ni a welas nebonan ow tewlel mes dywolow y'th hanow jy; ha ni a'n lettyas drefenn na wre agan holya.’

Luk 11:19

Ha mar towlav vy an dhywolow yn-mes dre Belzebul, dre biw y's tewl agas mebyon hwi? Rakhenna i a vydh agas breusysi.

Luk 9:49

Ha Yowann a worthybis ha leverel, ‘Mester, ni a welas nebonan ow tewlel yn-mes dywolow y'th hanow jy, ha ni a'n lettyas, rag ny wra ev holya genen ni.’

Oberow 19:14

Yth esa dhe unn Skeva, Yedhow hag arghoferyas, seyth mab esa ow kul hemma,

2 Korinthianys 11:4

Rag yn tevri mar teu nebonan dhe bregoth Yesu arall neb na bregewthsyn ni, po mar tegemmerowgh ken spyrys ages an spyrys a dhegemmersowgh, po ken aweyl ages an aweyl a ressevsowgh, fest yn ta y'n godhevowgh.

Yoshua 6:26

Yoshua a wrug an ti ma y'n termyn na, ow leverel, ‘Mollothek a-dherag an Arloedh a vydh an gour a assay dastrehevel an sita ma, Yeriko. Ev a worr an selyow orth kost y vab kynsa genys, ev a sett hy yetow yn-bann orth kost y vab yowynka.’

1 Samuel 14:24

An Ysraelysi o grevys an jydh na, drefenn Samuel dhe worra ti war an bobel ow leverel, ‘Mollothek re bo an gour neb a dheber boes kyns gorthugher dhe dhos, kyns my dhe dyli dial war ow eskerens.’ Ytho ny dastyas denvyth a'n bobel boes vyth.