Oberow 17:5 - An Bibel Kernewek 20234 (Kernewek Kemmyn)

⁵ Mes an Yedhewon eth ha bos leun a avi hag ow tri gansa drogwesyon a'n losels yn plen an varghas, i a guntellas routh ha gul deray y'n sita, hag ow fyski dhe ji Yason i a's hwilas rag aga dri a-rag kuntelles an bobel;

Oberow 17:5 Iomraidhean Croise

Salmow 35:15

Ha pan drebuchis vy, i a omguntellas yn lowen, avel estrenyon na aswonnis vy i a omguntellas er ow fynn; i a'm skwardyas heb hedhi.

Salmow 69:12

An re a esedh y'n porth a gews er ow fynn, ha'n bennow-medhow a gan ahanav yn ges.

Lavarow Koth 14:30

Kolonn gosel a re bewnans dhe'n kig, mes avi a wra dhe'n eskern pedri.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Matthew 27:18

Rag ev a wodhya i dh'y dhaskorr der atti.

Oberow 13:45

Mes pan welsons an routhow, an Yedhewon a veu lenwys a avi, hag i a gontradias, ow kewsel blasfemi erbynn an pyth a veu leverys gans Powl.

Oberow 14:19

Mes Yedhewon dhiworth Antiogh hag Ikonium a dheuth di, ha wosa dendil skoedhyans an routhow i a labydhas Powl ha'y dhraylya mes a'n sita, ow tybi ev dhe vos marow.

Oberow 14:2

Mes an Yedhewon neb o diskryjygyon a ynnias war an Jentilys, ow treylya aga brys erbynn an vreder.

Oberow 17:13

Mes pan wodhva an Yedhewon a Thessalonika bos ger Duw pregewthys gans Powl yn Berea ynwedh, i a dheuth di ynwedh ow kryghylli hag ow korra an routhow yn deray.

Oberow 17:6

mes pan na's kavas i a dennas Yason ha re a'n vreder dhe soedhogyon an sita, ow kria, ‘An dus ma neb re dreylyas an nor war y benn re dheuth omma ynwedh,

Oberow 17:7

ha Yason re's degemmeras; hag oll an re ma a far erbynn arghadowyow Sesar, ow leverel bos ken myghtern, Yesu.’

Oberow 17:9

ha wosa kemmeres mewgh dhiworth Yason ha'n re erell, i a's livras.

Oberow 18:12

Mes pan o Gallio prokonsul Aghaia, an Yedhewon, unys aga brys, a omsettyas erbynn Powl ha'y dhri dhe'n barr,

Oberow 19:40

Rag yn tevri, yth eson ni yn peryll a guhudhans drefenn an tervans gwrys hedhyw, heb skila hag a yllyn ni ri rag an kuntellyans direwl ma.’

Oberow 7:9

‘Ha'n ugheldasow, lenwys a avi, a werthas Yosep yn Ejyp; mes yth esa Duw ganso,

Romanyon 16:21

Timothi ow hesoberer a'gas salus, ha Lukius ha Yason ha Sosipater, ow herens.

1 Korinthianys 3:3

rag hwath a'n kig yth owgh. Rag a-ban eus avi ha kedrynn yn agas mysk, a nyns owgh hwi a'n kig, hag a nyns esowgh hwi owth omdhegi kepar ha tus kemmyn?

2 Korinthianys 11:26

ow vyajya lieskweyth, yn peryll a avonyow, yn peryll a ladron, yn peryll a'm tus ow honan, yn peryll a Jentilys, yn peryll yn sita, yn peryll yn difeyth, yn peryll y'n mor, yn peryll a fals vreder,

Galatianys 5:21

avi, medhwenep, kevewiow gwyls, ha traow a'n par na. Anedha my a lever dhywgh lemmyn, kepar dell wrugavy leverel kyns, oll an re a wrello taklow a'n par ma ny wrons erita gwlaskor Duw.

Galatianys 5:26

Na vedhen goethus, ow serri an eyl y gila, ow perthi avi an eyl a'y gila.

1 Thessalonianys 1:6

Ha hwi a dheuth ha bos holyoryon a'gan ensampel ni, hag a'n Arloedh, ow tegemmeres an ger yn galar bras gans lowena an Spyrys Sans,

Jamys 4:5

Po a dybowgh an skryptor dhe leverel yn euver, ‘Trohag avi y yeun an spyrys a wrug ev dhe driga ynnowgh.’

Breusysi 9:4

I a ros dhodho deg shekel ha tri-ugens a arghans yn-mes a dempel Baal-berith gansa mayth arvethas Abimelek drokpolatys ha javelyon, neb a'n holyas.