Oberow 17:25 - An Bibel Kernewek 20234 (Kernewek Kemmyn)

²⁵ na nyns yw servys gans diwla den kepar ha pan ve dhodho edhomm a neppyth, rag ev a re bewnans hag anall ha pup-tra dhe bub den oll;

Oberow 17:25 Iomraidhean Croise

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Job 12:10

Yma yn y leuv bewnans pup-tra a vew hag anall densys oll.

Job 22:2

‘A yll gour bos dhe les dhe Dhuw? A yll den fur bos dhe les dhe Dhuw?

Job 27:3

hedre vo anall ynnov hag yma spyrys Duw y'm dewfrik,

Job 33:4

Spyrys Duw re'm gwrug, hag anall an Ollgalloesek a re dhymm bewnans.

Job 34:14

Mar treyllya y golonn dhodho y honan, ha kuntell dhodho y spyrys ha'y anall,

Salmow 16:2

My re leveris dhe'n Arloedh ‘Ty yw ow Arloedh, nyns eus genev travyth da a-der ty.’

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 57:16

Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.

Yeremia 38:16

Ytho Sedekia an myghtern a dos yn-dann gel dhe Yeremia, ‘Dell vew an Arloedh, a ros dhyn agan bewnans, ny'th worrav dhe'n mernans, na ny'th rov yn leuv an wer ma a hwila dha vewnans.’

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Niverow 27:16

‘Gas an Arloedh, Duw spyrysyon oll kig, dhe ordena gour a-ugh an kuntelles,

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Oberow 14:17

byttegyns ny asas y honan heb dustuni, rag dader ev a wra, ow ri dhywgh glaw a nev ha prysyow ow toen frut, ow lenwel agan kolonnow a voes hag a heudhder.’

Oberow 17:28

Rag “Ynno ev ni a vew ha gwaya ha kavoes agan bosva.” Par dell leveris re a'gas berdh, “Rag ni ynwedh yw y askorr.”

Romanyon 11:35

Po piw re ros ro dhodho kyns, may fe attylys dhodho?’

Dewteronomi 30:20

ow kara an Arloedh dha Dhuw, hag ow koslowes y lev, hag ow klena orto; rag ev yw dha vewnans ha hirder dha dhydhyow, dhe driga war an tir a dos an Arloedh dhe'th tasow, dhe Abraham, ha dhe Ysak, ha dhe Yakob, dhe ri dhedha.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.