Oberow 17:2 - An Bibel Kernewek 20234 (Kernewek Kemmyn)

² Ha herwydh usadow Powl, ev a entras ena, ha tri dydh sabot ev a dhadhlas gansa dhiworth an skryptors,

Oberow 17:2 Iomraidhean Croise

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Matthew 26:24

Yma Mab an den ow mos kepar dell yw skrifys anodho, mes go-ev an den na may ma Mab an den traytys ganso; da via dhodho, byth na ve genys an den na.’

Luk 4:16

Ena ev a dheuth dhe Nazareth, may fia megys, hag ev eth y'n synaga war-lergh y usadow yn dydh sabot, ha sevel dhe lenna.

Yowann 18:20

Yesu a worthybis dhodho, ‘My re gewsis yn apert dhe'n bys. Pup-prys my re dhyskas y'n synaga hag y'n tempel, le mayth omguntell an Yedhewon pup-prys, hag yn-dann gel ny leveris travyth

Oberow 13:14

Mes i eth yn-rag dhiworth Perga ha dos dhe Antiogh a Pisidia; ha dydh sabot i eth y'n synaga hag esedha.

Oberow 13:5

Ha pan dheuthons bys yn Salamis i a bregowthas ger Duw yn synagys an Yedhewon; hag yth esa Yowann gansa rag aga gweres.

Oberow 14:1

Lemmyn dell hwarva yn Ikonium, i a entras war-barth yn synaga an Yedhewon ha kewsel yn maner may krysis routh veur, ha Yedhewon ha Grekys.

Oberow 17:10

Hag a-dhistowgh, yn termyn nos, an vreder a dhannvonas yn-rag ha Powl ha Silas dhe Berea. Pan dheuthons di, i eth yn synaga an Yedhewon;

Oberow 17:17

Rakhenna ev a dhadhlas y'n synaga gans an Yedhewon ha gans an wordhyoryon, ha pub dydh yn plen an varghas gans an re esa ena par happ.

Oberow 18:4

Ha pub sabot ev a dhadhla y'n synaga, hag ev a assaya treylya ha Yedhewon ha Grekys.

Oberow 19:8

Ev a entras y'n synaga ha dres tri mis ev a gewsi yn hardh, ow tadhla hag owth assaya aga dri dhe gryjyans a-dro dhe wlaskor Duw.

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Oberow 8:35

Ena Felip a igoras y anow, hag ow talleth dhiworth an skryptor ma, ev a bregowthas Yesu dhodho.

Oberow 9:20

hag a-dhistowgh ev a bregowthas Yesu y'n synagys, y vos Mab Duw.

1 Korinthianys 15:3

Rag my a ystynnas dhywgh yn kynsa an pyth a dhegemmeris vy ynwedh, Krist dhe verwel rag agan peghosow herwydh an skryptors,

1 Samuel 12:7

Lemmyn ytho sevewgh a'gas sav, rag may hallav pledya genowgh a-dherag an Arloedh a-dro dhe oll oberow gwiryon an Arloedh, a wrug ev ragowgh ha rag agas tasow.