Oberow 16:34 - An Bibel Kernewek 20234 (Kernewek Kemmyn)

³⁴ Ev a's dros yn-bann dh'y ji ha gorra boes a-dheragdha, hag ev hag oll y vayni a lowenhas y tothya ev ha bos kryjyk yn Duw.

Oberow 16:34 Iomraidhean Croise

Ysay 55:12

Rag yth ewgh yn-mes yn lowender, ha bos hembrenkys yn kres; an menydhyow ha'n breow a arm a-ragowgh gans joy, hag oll gwydh an gwel a dak diwleuv.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Luk 19:6

Ev a fistenas ha dos yn-nans, ha'y wolkomma gans lowena.

Luk 5:29

Ha Levi a wrug kevewi bras ragdho yn y ji, hag yth esa routh veur a dolloryon hag erell esedhys orth an voes gansa.

Oberow 11:14

neb a gews dhis geryow may fo ty ha'th vayni oll selwys.”

Oberow 16:15

Ha pan veu besydhys ha gensi hy mayni, hi a'gan pysis, ow leverel, ‘Mar synsowgh hwi ow bos lel dhe'n Arloedh, dewgh dhe ostya y'm chi’; ha hi a ynnias warnan.

Oberow 16:35

Pan dheuth an jydh, an justisyow a dhannvonas an soedhogyon, ow leverel, ‘Delivrewgh an dus na.’

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

Oberow 8:39

Ha pan dheuthons yn-bann mes a'n dowr, Spyrys an Arloedh a gachyas Felip dhe-ves; ny'n gwelas an spadhesik na fella, hag ev eth y'n fordh yn unn lowenhe.

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

Romanyon 5:2

ma'gan beus dredho entra dre fydh dhe'n gras may sevyn ynno ha ni a vost yn agan govenek may kevrennyn golewder Duw.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Filippianys 4:17

Nyns yw my dhe hwilas an ro; mes my a hwila an frut owth ynkressya dh'agas reken.

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Filemon 1:7

Rag my a gavas meur a lowena ha konfort y'th kerensa, drefenn kolodhyon an syns dhe vos kennerthys dredhos, a vroder.

1 Yowann 3:18

A fleghigyow, na geryn yn ger nag yn taves, mes yn ober hag yn gwirder.