Oberow 16:16 - An Bibel Kernewek 20234 (Kernewek Kemmyn)

¹⁶ Ha dell hwarva, ha ni ow mos dhe'n tyller a bysadow, unn vaghteth ha gensi spyrys a dhewinieth a dheuth er agan pynn, neb a dhri meur a wayn dh'y mestrysi ow targana fortunyow.

Oberow 16:16 Iomraidhean Croise

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Levitikus 19:31

Na dreylyewgh dhe nygromons, ha na hwilewgh koelyogyon, dhe vos defolys gansa. An Arloedh ov vy.

Levitikus 20:27

Gour po benyn neb a wra nygromons po neb a vo koelyek a vydh gorrys dhe'n mernans yn sur. I a vydh labydhys gans meyn. Aga goes a vydh warnedha.

Levitikus 20:6

Ha'n den a dreyl dhe nygromons ha dhe goelyogyon, ow mos dhe horya gansa, my a vynn settya ow fas erbynn an den na ha'y dreghi dhe-ves dhiworth y bobel.

Oberow 16:13

Y'n sabot ni eth yn-mes a'n porth ryb avon, le mayth esa, dell dybsyn, tyller a bysadow, hag owth esedha ni a gewsis orth an benynes o kuntellys.

Oberow 16:18

Hi a wre hemma lies dydh. Mes Powl eth ha bos anniys meur, hag ow treylya ev a leveris dhe'n spyrys, ‘My a'th ergh yn hanow Yesu Krist dos yn-mes anedhi.’ Hag ev a dheuth yn-mes y'n keth eur na.

Oberow 16:19

Ha'y mestrysi, ow kweles bos gyllys govenek aga gwayn, a dhalghennas Powl ha Silas ha'ga thenna dhe blen an varghas a-rag an rewloryon,

Oberow 19:24

Rag unn gour henwys Demetrius, gweythor arghans, a wre templow Artemis a arghans, hag ev a dhre gwayn da dhe'n greftoryon.

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

1 Timothi 6:10

Rag fenten pub drog yw kerensa mona ha der an hwans ma nebes tus res eth yn sowdhan dhiworth an fydh ha gwana aga honan gans lies galar.

2 Timothi 3:8

Kepar dell settyas Yannes ha Yambres orth Moyses, y'n keth vaner an re ma a sett orth an gwir, shyndys aga brys, anwiw a-dro dhe'n fydh.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

1 Samuel 28:3

Lemmyn Samuel o marow, hag oll Ysrael a gynis ragdho, ha'y ynkleudhyas yn Rama, y sita y honan. Sowl re bellhasa an nygromonsoryon ha'n goelyogyon mes a'n pow.

1 Samuel 28:7

Ena yn-medh Sowl dh'y wesyon, ‘Hwilewgh ragov nygromonsores, may hallav mos dhedhi, ha govynn orti.’ Y wesyon a leveris dhodho, ‘Otta, yma nygromonsores yn Endor.’