Oberow 14:1 - An Bibel Kernewek 20234 (Kernewek Kemmyn)

¹ Lemmyn dell hwarva yn Ikonium, i a entras war-barth yn synaga an Yedhewon ha kewsel yn maner may krysis routh veur, ha Yedhewon ha Grekys.

Oberow 14:1 Iomraidhean Croise

Mark 7:26

An venyn o Grek, Syrofenikek hy henedhel; ha hi a'n pysis may hwrella tewlel yn-mes an jowl a'y myrgh.

Yowann 12:20

Yth esa Grekys yn mysk an re esa ow tos yn-bann dhe wordhya y'n goel.

Yowann 7:35

Ena an Yedhewon a leveris an eyl dh'y gila, ‘Ple'th a an den ma, ma na yllyn y gavoes? A vynn ev mos dhe'n re skattrys yn mysk an Grekys, ha dyski dhe'n Grekys?

Oberow 11:21

Hag yth esa leuv an Arloedh gansa, ha niver meur a grysis ha treylya dhe'n Arloedh.

Oberow 13:43

Ha wosa an kuntelles dhe dhiberth, meur a'n Yedhewon hag a'n broselytys neb a wordhya y'n synaga a holyas Powl ha Barnabas, neb a gewsis orta ha'ga ynnia may pessyens yn gras Duw.

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 13:5

Ha pan dheuthons bys yn Salamis i a bregowthas ger Duw yn synagys an Yedhewon; hag yth esa Yowann gansa rag aga gweres.

Oberow 13:51

Mes i a shakyas an doust dhiworth aga threys er aga fynn, ha dos dhe Ikonium.

Oberow 14:19

Mes Yedhewon dhiworth Antiogh hag Ikonium a dheuth di, ha wosa dendil skoedhyans an routhow i a labydhas Powl ha'y dhraylya mes a'n sita, ow tybi ev dhe vos marow.

Oberow 14:2

Mes an Yedhewon neb o diskryjygyon a ynnias war an Jentilys, ow treylya aga brys erbynn an vreder.

Oberow 14:21

Ha pan bregowthsens an aweyl dhe'n sita na ha gul meur a dhyskyblon, i a dhehwelis dhe Lystra ha dhe Ikonium ha dhe Antiogh,

Oberow 16:1

Hag ynwedh ev a dheuth yn-nans dhe Derbe ha dhe Lystra. Hag otta, yth esa ena unn dyskybel henwys Timothi, mab Yedhowes kryjyk mes y das o Grek.

Oberow 16:2

Ev o gerys-da gans an vreder yn Lystra hag Ikonium.

Oberow 17:12

Rakhenna meur anedha a grysis, ha niver da a'n benynes Grek hag a'n wer.

Oberow 17:17

Rakhenna ev a dhadhlas y'n synaga gans an Yedhewon ha gans an wordhyoryon, ha pub dydh yn plen an varghas gans an re esa ena par happ.

Oberow 17:4

Ha re anedha a veu treylys, hag i a junyas gans Powl ha Silas, keffrys ha routh vras a'n Grekys kryjyk ha meur a venynes a roweth.

Oberow 18:4

Ha pub sabot ev a dhadhla y'n synaga, hag ev a assaya treylya ha Yedhewon ha Grekys.

Oberow 18:8

Lemmyn Krispus, rewler an synaga, ha ganso oll y vayni, a grysis y'n Arloedh, ha meur a dus Korinth, pan glewsons, a grysis hag a veu besydhys.

Oberow 19:10

Hemma eth yn-rag dres diw vlydhen, may klewas oll trigoryon Asia ger an Arloedh, ha Yedhewon ha Grekys.

Oberow 19:17

Ha hemma a dheuth ha bos godhvedhys dhe vyns o trigys yn Efesus, ha Yedhewon ha Grekys, hag own a goedhas warnedha oll, ha hanow an Arloedh Yesu a veu meurhes.

Oberow 19:8

Ev a entras y'n synaga ha dres tri mis ev a gewsi yn hardh, ow tadhla hag owth assaya aga dri dhe gryjyans a-dro dhe wlaskor Duw.

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Oberow 21:28

ow karma, ‘Gwer Ysrael, gweresewgh! Hemm yw an den usi ow tyski dhe bubonan yn pub le erbynn an bobel ha'n lagha ha'n tyller ma, ha moy es henna, ev re dhros Grekys y'n tempel hag ev re dhisakras an tyller sans ma.’

Oberow 9:20

hag a-dhistowgh ev a bregowthas Yesu y'n synagys, y vos Mab Duw.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 10:12

Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho.

Galatianys 2:3

Byttegyns Titus devri, esa genev, hag ev Grek, ny veu ev konstrynys na hwath a vos trodreghys;

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

2 Timothi 3:11

ow helghyans, ow galarow a goedhas warnav yn Antiogh, yn Ikonium, yn Lystra, an helghyans a berthis; ha'n Arloedh re wrug ow delivra yn-mes anedha oll.