Oberow 13:36 - An Bibel Kernewek 20234 (Kernewek Kemmyn)

³⁶ Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Oberow 13:36 Iomraidhean Croise

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

2 Samuel 7:12

Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

1 Myghternedh 2:10

Ytho Davydh a goskas gans y dasow, hag a veu ynkleudhys yn sita Davydh.

1 Kroniklys 11:2

Yn termyn passys, hwath pan o Sowl myghtern, yth o ty neb a ledyas Ysrael yn-mes yn batel ha'ga dri tre. An Arloedh dha Dhuw a leveris dhis, Ty a vydh bugel ow fobel Ysrael ha ty a vydh rewler war ow fobel Ysrael.’

1 Kroniklys 17:11

Pan vydh kollenwys dha dhydhyow rag ty dhe vos gans dha dasow, my a dhrehav dha has war dha lergh, neb a vydh onan a'th vebyon, ha my a fast y vyghterneth.

1 Kroniklys 18:14

Davydh a reynyas war oll Ysrael; hag ev a wrug gwirvreus hag ewnder rag oll y bobel.

1 Kroniklys 29:28

Ev a verwis yn kothni dha, leun a dhydhyow, a rychys, hag a enor; ha Solomon, y vab a reynyas yn y le.

2 Kroniklys 12:16

Rehoboam a goskas gans y dasow hag a veu ynkleudhys yn sita Davydh; ha'y vab Abiya a reynyas yn y le.

2 Kroniklys 21:1

Yehoshafat a goskas gans y dasow hag a veu ynkleudhys gans y dasow yn sita Davydh; y vab Yehoram a reynyas yn y le.

2 Kroniklys 26:23

Uzzia a goskas gans y dasow; i a'n ynkleudhyas gans y dasow yn ynkleudhva an vyghternedh, rag y lavarsons, ‘Ev yw lovrek.’ Y vab Yotham a reynyas yn y le.

2 Kroniklys 9:31

Solomon a goskas gans y dasow hag i a'n ynkleudhyas yn sita y das Davydh, ha'y vab Rehoboam a reynyas yn y le.

Job 17:14

mar lavarav dhe'n pytt, “Ty yw ow thas”, ha dhe'n gontronenn, “Ty yw ow mamm ha'm hwoer”,

Job 21:26

I a wrowedh war-barth y'n doust, ha'n kontron a wra aga hudha.

Salmow 49:14

Avel deves ymons i gorrys yn ifarn; ankow a's bugel, ha'n re ewnhynsek a wra maystri warnedha y'n myttin. i a dhiyskynn dison dhe'n bedh. Aga furv a beder y ifarn; pell dhiworth aga chiow ughel.

Salmow 49:9

rag may fewa bynitha ha ma na wella an pytt.

Matthew 25:16

Hag ev neb a dhegemmeras an pymp talent eth ha kenwertha gansa hag a wrug prow a bymp moy.

Yowann 11:39

Yesu a leveris, ‘Kemmerewgh an men dhe-ves.’ Martha, hwoer an den marow, a leveris dhodho, ‘Arloedh, y fydh flerys lemmyn, rag an peswora dydh yw.’

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Oberow 2:29

‘Breder, gans fydhyans y hallav kewsel orthowgh a-dro dhe Davydh an ugheldas, ev dhe verwel ha bos ynkleudhys, hag yma y vedh genen ni bys y'n jydh hedhyw.

Oberow 20:27

rag ny omwithis vy rag derivas dhywgh oll an gusul a Dhuw.

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

Oberow 8:1

Hag yth esa Sowl owth assentya dh'y ladhva. Hag y'n jydh na yth esa helghyans meur erbynn an eglos yn Yerusalem, hag i oll a veu skattrys dres an powyow a Yudi ha Samaria, marnas an abesteli.

1 Korinthianys 15:18

Keffrys an re neb re goskas yn Krist, dhe goll galsons.

1 Korinthianys 15:6

Wosa henna ev a omdhiskwedhas dhe voy es pymp kans broder oll war-barth, mayth yw an moyha rann anedha hwath yn few, kyn koskas re.

1 Thessalonianys 4:13

Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.