Oberow 13:34 - An Bibel Kernewek 20234 (Kernewek Kemmyn)

³⁴ Ha dell y'n drehevis dhiworth an re varow, heb dehweles namoy dhe bodredhes, hemma ev re leveris, “My a re dhis an taklow sur ha sans ambosys dhe Davydh.”

Oberow 13:34 Iomraidhean Croise

2 Samuel 23:5

A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 30:9

Mes i a serv an Arloedh aga Duw ha Davydh aga myghtern, hag a dhrehevav ragdha.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Oberow 13:30

Mes Duw a'n drehevis dhiworth an re varow;

Oberow 13:33

an ambos ma re gollenwis Duw dhyn ni, aga fleghes, ow trehevel Yesu; keffrys dell yw skrifys y'n nessa salm: “Ow mab yth osta, Hedhyw my re'th tineythis.”

Oberow 13:37

Mes ev neb a wrug Duw y dhrehevel ny welas podredhes.

Oberow 2:24

Duw a'n drehevis, ow lowsya gloesow ankow, rag ny yllys ev dhe vos synsys ganso.

Romanyon 6:9

Rag y hwodhon na verow Krist arta wosa y vos drehevys a'n re varow vernans; ny'n jeves mernans maystri warnodho na fella.