Oberow 13:32 - An Bibel Kernewek 20234 (Kernewek Kemmyn)

³² Ha ni a bregoth dhywgh an ambos a dheuth dhe'n tasow,

Oberow 13:32 Iomraidhean Croise

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 41:27

My re beu an kynsa neb a dherivas dhe Sion, ‘Awottensi!’ My a re dhe Yerusalem kannas a nowodhow da.

Ysay 52:7

Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Haggay 2:7

Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Luk 2:10

Ha'n el a leveris dhedha, ‘Na berthewgh own, rag otta, my a dhre dhywgh nowodhow da a lowena veur hag a vydh rag oll an bobel,

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Oberow 13:23

Dhiworth henedh an gour ma Duw re dhros dhe Ysrael, herwydh y ambos, Selwyas Yesu.

Oberow 13:38

Rakhenna bedhes godhvedhys dhywgh, breder, der an den ma bos gevyans peghosow pregewthys dhywgh,

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Oberow 26:6

Ha lemmyn my a sev ow pos breusys, drefenn ow govenek y'n dedhewadyow gwrys gans Duw dh'agan tasow

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Oberow 5:42

Ha pub dydh y'n tempel hag y'n chiow ny hedhsons dyski ha pregoth Yesu, an Krist.

Romanyon 1:2

a ragambosas der y brofoesi yn skryptors sans,

Romanyon 10:15

Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

Romanyon 4:13

Rag ny dheuth der an lagha an ambos dhe Abraham ha'y henedh y fedha ev her an bys mes der ewnder an fydh.

Romanyon 9:4

Ysraelysi yns ha dhedha yw an adoptyans avel mebyon, an golewder, an kevambosow, ri an lagha, an servis ha'n ambosow,

Dewteronomi 18:15

An Arloedh dha Dhuw a dhrehav profoes ragos yn-mes ahanas, dhiworth dha vreder, haval dhymm. Orto ev hwi a woslow.