Oberow 13:25 - An Bibel Kernewek 20234 (Kernewek Kemmyn)

²⁵ Mes pan esa Yowann ow kowlwul y resegva, ev a leveris, “Pandr'a dybowgh my dhe vos? Nyns ov vy ev; mes otta, onan a dheu war ow lergh ma nag ov vy gwiw dhe dhigelmi sandalyow y dreys.”

Oberow 13:25 Iomraidhean Croise

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Mark 1:7

Hag yth esa ow pregoth, ow leverel, ‘Y teu war ow lergh onan yw moy galloesek agesov vy, ha ma nag o'ma gwiw, owth omblegya, dhe dhigelmi kroen y eskisyow.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 1:34

Ha my a welas hag a dhustunias hemma dhe vos Mab Duw.’

Yowann 1:36

Hag ow mires orth Yesu ow kerdhes yn-medh ev, ‘Awotta Oen Duw!’

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Oberow 19:4

Ha Powl a leveris, ‘Yowann a besydhyas gans an besydh a edrek, ow leverel dhe'n bobel may kryssens ynno ev neb esa ow tos war y lergh, henn yw, yn Yesu.’

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

2 Korinthianys 4:5

Rag nyns yw pregoth agan honan a wren ni, mes Krist Yesu avel Arloedh, ha ni agan honan avel agas kethyon, a-barth Yesu.

2 Timothi 4:7

My re strivyas an strivyans da ha kowlwul an resegva. My re withas an fydh.

Diskwedhyans 11:7

Ha pan worfennons aga dustuni, an best a yskynn a'n pytt diwoeles a wra gwerrya er aga fynn ha'ga fetha ha'ga ladha.