Oberow 13:22 - An Bibel Kernewek 20234 (Kernewek Kemmyn)

²² Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Oberow 13:22 Iomraidhean Croise

2 Samuel 2:4

Ena gwer Yuda a dheuth, hag eno i a untyas Davydh myghtern war ji Yuda. Pan dherivsons orth Davydh, ‘An re a ynkleudhyas Sowl o gwer Yabesh-gilead’,

2 Samuel 7:15

Mes ny vydh ow thregeredh kemmerys dhiworto, kepar dell y'n kemmeris dhiworth Sowl, neb a worris dhe-ves a-dheragos.

2 Samuel 7:8

Lemmyn lavar yndella dhe'm gwas Davydh: Yndellma y lever Arloedh an luyow: my a'th kemmeras dhiworth an beurva, dhiworth holya an deves, dhe vos rewler war ow fobel, war Ysrael;

1 Myghternedh 15:3

Ev a gerdhas yn oll an peghosow re wrussa y das kyns; nyns o y golonn perfydh gans an Arloedh y Dhuw, par dell o kolonn y das Davydh.

1 Myghternedh 15:5

drefenn Davydh dhe wul an pyth o ewn yn golok an Arloedh ha ny dreylyas a-denewen a dravyth a worhemmynnis dydhyow oll y vewnans, marnas yn mater Uria an Hittyas.

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

1 Kroniklys 2:12

Boaz a dhineythis Obed, hag Obed a dhineythis Yesse.

Salmow 2:6

‘My re worras ow myghtern war Sion, ow menydh sans.’

Yeremia 33:21

ena ow hevambos gans ow gwas Davydh a vydh terrys, ma na'n jevydh mab dhe reynya war y dron, hag ow hevambos gans an Levysi, an oferysi ow menystoryon.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Oberow 15:8

Duw, neb a aswonn kolonnow, a dhustunias ow ri dhedha an Spyrys Sans, dell wrug ev dhyn ni ynwedh,

Oberow 7:46

a gavas favour gans Duw, ha govynn kummyas dhe gavoes trigva rag chi Yakob.

1 Samuel 12:25

Mes mar pesyowgh gul drogoberow, hwi ha'gas myghtern ynwedh a vydh skubys dhe-ves.’

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’

1 Samuel 15:26

Samuel a leveris dhe Sowl, ‘Ny vynnav dehweles genes; drefenn ty dhe skonya ger an Arloedh, ha'n Arloedh re'th skonyas a vones myghtern war Ysrael.’

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 28:16

Ena yn-medh Samuel, ‘Prag y hwovynnsys orthiv, a-ban wrug an Arloedh treylya ahanas, hag ev re dheuth ha bos dha eskar?

1 Samuel 31:6

Ytho Sowl a verwis, ha'y dri mab, ha deger y arvow, hag oll y wer, war-barth y'n keth jydh.