Oberow 13:19 - An Bibel Kernewek 20234 (Kernewek Kemmyn)

¹⁹ ha pan dhistrusa seyth kenedhel yn pow Kanan ev a ros dhedha aga fow avel eretons

Oberow 13:19 Iomraidhean Croise

Jenesis 12:5

Hag Abram a gemmeras Saray y wreg ha Lot, mab y vroder hag oll aga fyth re wrussens kuntelles, ha'n enevow re wrussens kavoes yn Haran, hag i eth yn-kerdh rag mos dhe bow Kanan; ha dhe bow Kanan y teuthons i.

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

1 Myghternedh 6:1

Y'n peswar kans ha peswar-ugensves blydhen wosa fleghes Ysrael dhe dhos yn-mes a Ejyp, y'n peswora blydhen a reyn Solomon war Ysrael, yn mis Ziv, an eyl mis, ev a dhallathas drehevel chi an Arloedh.

Nehemia 9:24

Aga mebyon a entras hag erita an tir, ha ty a fethas a-dheragdha annedhysi an tir, an Kananysi, ha'ga ri yn aga leuv, gans aga myghternedh, ha poblow an tir, may hwrellens gansa herwydh aga flesour.

Salmow 135:11

Sihon myghtern an Amorysi, hag Og myghtern Bashan, hag oll gwlaskordhow Kanan;

Salmow 78:55

Hag ev a bellhas an kenedhlow a-dheragdha, hag a's rannas dhedha yn ertach, ha gul dhe loethow Ysrael triga yn aga thyldow i.

Ysay 34:17

Ev a dewl prenn ragdha, ha'y leuv a's rann gans kordenn-vusura. I a's erit bys vykken, ha triga ynni a henedh dhe henedh.

Oberow 7:45

Pan y'n degemmersens, agan tasow a'n dros gans Yoshua pan fessons an kenedhlow hag a dewlis Duw yn-mes a-dherag agan tasow, bys yn dydhyow Davydh,

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Yoshua 14:1

An re ma yw an tiryow a eritas mebyon Ysrael yn pow Kanan, a veu rynnys dhedha avel eretons gans Yoshua mab Nun ha pennow teyluyow loethow Ysrael.

Yoshua 18:10

Yoshua a dewlis prennyer ragdha yn Shilo a-rag an Arloedh; hag ena Yoshua a rannas an tir dhe'n Ysraelysi war-lergh aga rannow.

Yoshua 19:51

An re ma yw an ertaj a rannas Eleazar an oferyas, ha Yoshua mab Nun ha pennow teyluyow loethow an Ysraelysi rag eretons, ow tewlel prenn yn Shilo a-rag an Arloedh, yn entrans tylda an kuntelles. Yndella i a gowlwrug rannans an tir.

Yoshua 23:4

Mirewgh fatell wrugavy ranna ragowgh an kenedhlow ma yw gesys avel eretons rag agas loethow, a-dhiworth an Yordan hag oll an kenedhlow re dhistruis, bys an Mor Meur y'n howlsedhes.

Yoshua 24:11

Ena hwi a dreusis an Yordan ha dos dhe Yeriko, ha tus Yeriko a omladhas er agas pynn, hag ynwedh an Amorysi, an Perizzysi, an Kananysi, an Hittysi, an Girgashysi, an Hivysi ha'n Yebusysi; ha my a's ros yn agas leuv.

Breusysi 11:26

Ysrael re beu trigys yn Heshbon ha'y threvow, hag yn Aroer ha'y threvow, hag yn oll an trevow usi ryb Arnon tri hans blydhen; prag na's daskevsys a-ji dhe'n termyn na?