Oberow 13:15 - An Bibel Kernewek 20234 (Kernewek Kemmyn)

¹⁵ Wosa redyans an lagha ha'n brofoesi, routers an synaga a dhannvonas dhedha, ow leverel, ‘Breder, mars eus dhywgh neb ger a gennerth rag an bobel, leverewgh e.’

Oberow 13:15 Iomraidhean Croise

Mark 5:22

Hag y teuth onan a rewloryon an synaga, Yairus henwys; ha pan y'n gwelas, ev a goedhas orth y dreys,

Luk 16:16

‘Yth esa an lagha ha'n brofoesi bys Yowann: alena rag, gwlaskor Duw yw pregewthys, ha peub a omherdh ynni dre nerth.

Oberow 1:16

‘Breder, res o an skryptor dhe vos kollenwys, a dharganas an Spyrys Sans dre anow Davydh a-dro dhe Yudas, neb a dheuth ha bos gidyer dhe'n re a dhalghennas Yesu,

Oberow 13:27

Rag an re trigys yn Yerusalem ha'ga rewloryon, drefenn na'n aswonnsons, na konvedhes lavarow an brofoesi yw redys pub sabot, orth y vreusi re's kollenwis.

Oberow 15:21

Rag Moyses a-dhia henedhow koth a'n jeves an re neb a'n pregoth yn pub sita, ha lennys yw y'n synagys pub sabot.’

Oberow 15:7

Wosa meur a dhadhelva, Peder a sevis yn-bann ha leverel dhedha, ‘Breder, dell gonvedhowgh, nans yw pell Duw a wrug dewis yn agas mysk, may klewva an Jentilys ger an aweyl der ow ganow vy, ha krysi.

Oberow 18:17

Ena i oll, ow talghenna Sosthenes, rewler an synaga, a'n gweskis a-rag an barr; mes ny wrug Gallio vri orth nagonan a'n taklow ma.

Oberow 18:8

Lemmyn Krispus, rewler an synaga, ha ganso oll y vayni, a grysis y'n Arloedh, ha meur a dus Korinth, pan glewsons, a grysis hag a veu besydhys.

Oberow 2:29

‘Breder, gans fydhyans y hallav kewsel orthowgh a-dro dhe Davydh an ugheldas, ev dhe verwel ha bos ynkleudhys, hag yma y vedh genen ni bys y'n jydh hedhyw.

Oberow 2:37

Pan glewsons hemma, gwenys vons y'n golonn, hag i a leveris dhe Peder ha dhe'n abesteli erell, ‘Breder, pandr'a wren ni?’

Oberow 2:4

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Oberow 20:2

Hag ev ow mos der an ranndiryow, ev a's kennerthas gans lies ger, hag ev a dheuth yn Pow Grek,

Oberow 22:1

‘Breder ha tasow, goslowewgh orth ow defens a wrav lemmyn dhywgh.’

Oberow 4:36

Ha Yosep, henwys gans an abesteli Barnabas (treylys, henn yw ‘mab konfort’) Levyas, genesik a Kyprus,

Oberow 7:2

Hag yn-medh ev: ‘Breder ha Tasow, goslowewgh. An Duw a wolewder a omdhiskwedhas dhe Abraham hag ev yn Mesopotamia, kyns ev dhe driga yn Haran,

Romanyon 12:8

neb a gennerth, re gennertho neb a gevrenn, re gevrenno yn sempledh; neb a hembronk, re hembronko yn tiwysyk; neb a dhiskwa tregeredh, re bo gans lowena.

1 Korinthianys 14:3

mes neb eus ow profoesa a gews orth tus rag aga drehevyans, aga hennerth ha'ga honfort.

2 Korinthianys 3:14

Mes kaleshes o aga howsesyow. Rag bys y'n jydh hedhyw an keth kudhlenn a worta war an redyans a'n kevambos koth; nyns yw kemmerys dhe-ves, drefenn nag yw defendys dhe-ves saw unnsel yn Krist.

1 Thessalonianys 2:3

Rag ny dheuth agan galow a gammdybyans na plosedhes, nag yn toell,

Ebrowyon 13:22

Ha my a'gas pys, breder, a wul vri a'm ger a gennerth, rag my dhe skrifa war verr lavarow.