Oberow 12:7 - An Bibel Kernewek 20234 (Kernewek Kemmyn)

⁷ Hag otta, el an Arloedh a sevis ogas dhodho, ha golow a splannas y'n vagh; hag ow kweskel tenewen Peder ev a'n drehevis yn-bann, ow leverel, ‘Sav yn-bann, fisten.’ Ha'n chaynys a goedhas dhiworth y dhiwla.

Oberow 12:7 Iomraidhean Croise

2 Samuel 22:29

Rag ty yw ow lugarn, Arloedh, ha'n Arloedh a wra dhe'm tewlder splanna.

1 Myghternedh 19:5

Ena ev a wrowedhas yn-dann an vanadhel ha koska. Distowgh el a'n tochyas ha leverel dhodho, ‘Sav yn-bann ha dybri.’

1 Myghternedh 19:7

El an Arloedh a dheuth an eylweyth, y dochya, ha leverel, ‘Sav yn-bann ha dybri, poken dha vyaj a vydh re ragos.’

Salmow 107:14

Ev a's dros yn-mes a dewolgow ha skeus ankow, hag a dorras aga holmow dhe demmyn.

Salmow 116:16

Yn hwir, A Arloedh, dha was ov vy, dha was ov vy, ha mab dha vaghteth. Ty re dorras ow holmennow.

Salmow 146:7

neb a wra gwirvreus rag an re arweskys, neb a re boes dhe'n re nownek. An Arloedh a dhelirv prisnoryon dhe wari;

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Salmow 68:6

Duw a worr an re dhigoweth yn teyluyow; ev a dhre an prisnoryon yn-mes dhe sewena, mes an re worth a drig yn tir kras.

Ysay 37:30

‘Ha hemma a vydh an tokyn ragos: y'n vlydhen ma an pyth a dyv y honan a vydh dybrys, hag y'n nessa blydhen an pyth yw honan-hesys, mes y'n tressa blydhen hesewgh, mysewgh, plensewgh gwinlannow ha dybrewgh aga frutys;

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Yeremia 40:1

An ger hag a dheuth dhe Yeremia a-dhiworth an Arloedh wosa Nebuzaradan kapten an withysi y asa dhe vos a-dhiworth Rama, pan y'n kemmeras yn kadonyow gans oll kethyon Yerusalem ha Yuda esa ow pos divres dhe Babylon.

Ezekiel 43:2

hag otta, glori Duw Ysrael ow tos dhiworth an est; y lev o kepar ha son dowrow meur, ha'n nor a splannas gans y glori.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 6:22

Ow Duw a dhannvonas y el ha degea ganow an lewyon, ha ny wrens ow shyndya, drefenn ow bos kevys divlam a-ragdho; hag ynwedh a-ragos, A vyghtern, ny wrug drog vyth.’

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Habakkuk 3:11

An howl ha'n loer a sevis stag yn aga annedh, i a omdennas a-rag golow dha sethow hag a-rag splannder dha wuw dewynnek.

Habakkuk 3:4

Ha'n splannder yw kepar ha'n golow; lughesennow a dheu a'y leuv, hag ena yma kudhans y nerth.

Matthew 2:13

Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’

Luk 2:9

Hag otta, el an Arloedh a sevis a-dheragdha, ha golewder an Arloedh a splannas a-dro dhedha, hag own bras a's teva.

Luk 24:4

Hag i hwath sowdhenys a-dro dhe henna, otta, dew wour a sevis rybdha yn dillas dewynnek.

Oberow 10:30

Hag yn-medh Kornelius, ‘Nans yw peswar dydh, dhe'n keth eur ma, dhe'n nawves eur yth esen ow pysi y'm chi, hag otta, gour a sevis a-dheragov, splann y dhillas,

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

Oberow 12:6

Pan o Herod parys dh'y dhri yn-rag, y'n nos na yth esa Peder ow koska yntra dew souder, kelmys gans dew jayn, hag yth esa gwithysi dherag an daras ow kwitha an prison.

Oberow 12:8

Ena an el a leveris dhodho, ‘Omgweth, ha gwisk dha sandalyow.’ Hag ev a wrug henna. Hag ev a erghis dhodho, ‘Towl dha vantell y'th kyrghynn ha hol vy.’

Oberow 16:26

hag a-dhesempis yth esa dorgrys meur, may feu kryghyllys selyow an prison; hag a-dhistowgh an darasow oll a veu igerys, ha kolmow pub huni a veu lowsys.

Oberow 2:24

Duw a'n drehevis, ow lowsya gloesow ankow, rag ny yllys ev dhe vos synsys ganso.

Oberow 5:19

Mes nosweyth el an Arloedh a igoras darasow an prison, ha'ga hembronk yn-mes, ha leverel,

Oberow 9:3

Lemmyn, hag ev ow mos, y hwarva pan esa ow tos nes dhe Damaskus, a-dhesempis golow mes a nev a splannas a-dro dhodho,

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Diskwedhyans 18:1

Wosa an taklow ma my a welas ken el ow tiyskynna dhiworth nev, meur y alloes, ha'n nor a veu golowys gans y splannder.