Oberow 10:23 - An Bibel Kernewek 20234 (Kernewek Kemmyn)

²³ Ytho ev a's gelwis a-ji ha dhe vos y westoryon. Ha ternos ev a sevis yn-bann ha mos dhe-ves gansa, ha niver a'n vreder a Yoppa eth ganso.

Oberow 10:23 Iomraidhean Croise

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 10:29

rakhenna dhe wir pan veuv gelwys my a dheuth heb hokya. My a wovynn, ytho, prag y tannvensowgh hwi war ow lergh?’

Oberow 10:33

Rakhenna my a dhannvonas hware war dha lergh hag a'th kuvder devedhys osta. Lemmyn kuntellys on ni oll dherag Duw rag goslowes orth an taklow oll re beu erghys dhis gans an Arloedh.’

Oberow 10:45

Ha'n gryjygyon a'n trodreghyans neb re dhothya gans Peder a veu sowdhenys, drefenn bos ro an Spyrys Sans dinewys war an Jentilys ynwedh;

Oberow 11:12

Ha'n Spyrys a leveris dhymm mos gansa heb hokya. An hwegh broder ma a dheuth genev ynwedh, ha ni a entras yn chi an gour.

Oberow 28:15

An vreder neb a glewsa a-dro dhyn a dheuth alena bys yn Marghas Appius ha Tri Thavern rag metya orthyn. Orth aga gweles, Powl a rassas dhe Dhuw ha kemmeres kolonn.

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Oberow 9:38

Lemmyn rag bos Lydda ogas dhe Yoppa, an dhyskyblon a glewas bos Peder ena ha dannvon dew wour dhodho, ow pysi, ‘Heb strechya, deus dhyn ni.’

Oberow 9:42

Hag y teuth ha bos godhvedhys dres oll Yoppa, ha lies a grysis y'n Arloedh.

2 Korinthianys 8:21

rag ervirys on ni dhe wul an pyth yw ewn dherag an Arloedh, keffrys dherag tus.

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.

1 Peder 4:9

Bedhewgh hel dhe westoryon, an eyl dh'y gila, heb krodhvol.