Oberow 10:2 - An Bibel Kernewek 20234 (Kernewek Kemmyn)

² gour kryjyk, neb a'n jeva own a Dhuw gans y vayni oll, ow ri alusenow yn hel dhe'n bobel ha prest ow pysi war Dhuw.

Oberow 10:2 Iomraidhean Croise

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

1 Myghternedh 8:43

ena klew yn nev dha drigva, ha gwra herwydh pup-tra a elow an estren warnas, may hwodhvo oll poblow an bys dha hanow ha perthi own ahanas, par dell wra dha bobel Ysrael, ha may hwodhvons bos gelwys dha hanow war an chi ma re dhrehevis vy.

2 Kroniklys 6:33

klew dhiworth nev, tyller dha drigva, ha gul pup-tra a bys an estren dhiworthis, rag mayth aswonno oll poblow an norvys dha hanow ha perthi own ahanas, par dell y'n aswonn dha bobel Ysrael, ha rag may hwodhvo bos dha hanow gelwys war an chi ma, a dhrehevis vy.

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Salmow 102:15

An kenedhlow a berth own a hanow an Arloedh, hag oll myghternedh an nor a'th wolewder.

Salmow 119:2

Gwynnvys an re a with y dhustuniow, hag a'n hwila ev a leun golonn;

Salmow 25:5

Hembronk vy y'th wirder, ha dysk dhymmo vy, rag ty yw Duw ow selwyans; ynnos jy y trestyav oll an jydh.

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Salmow 55:17

Y'n gorthugher hag y'n myttin, ha dhe hanter-dydh my a grodhvol ha kyni, hag ev a glew ow lev.

Salmow 86:3

Bydh grassyes orthiv, A Arloedh, rag warnas y halwav oll an jydh.

Salmow 88:1

A Arloedh Duw ow selwyans, my re armas dydh ha nos a-dheragos.

Ekklesiastes 7:18

Da yw ty dhe settya dalghenn y'n eyl gwarnyans, ha na wra gasa dha dhalghenn yn y gila; rag neb a berth own a Dhuw a dhienk dhiworth oll an taklow ma.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

Daniel 6:16

Ena an myghtern a worhemmynnis, hag i a dhros Daniel ha'y dewlel yn fow an lewyon. Yn-medh an myghtern dhe Daniel, ‘Re wrello dha Dhuw, neb a servydh prest, dha dhelivra!’

Daniel 6:20

Pan dheuth nes dhe'n fow, ev a armas dhe Daniel gans lev troblys, ha leverel dhe Daniel, ‘A Daniel, gwas an Duw bew, a allas dha Dhuw, neb a servydh prest, dha dhelivra a'n lewyon?’

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Matthew 25:17

Yn kettella y hwrug gwas an dhew dalent prow a dhew moy.

Luk 18:1

Ev a dherivas parabolenn dhedha, bos res dhedha pysi pup-prys, heb bos digolonnek,

Luk 2:25

Hag otta, yth esa den yn Yerusalem, Simeon y hanow, ha'n den ma o ewnhynsek ha len, ow kortos konfort Ysrael, hag yth esa an Spyrys Sans warnodho.

Oberow 10:22

I a leveris, ‘Kornelius, penn-kangour, gour ewnhynsek neb a berth own a Dhuw ha neb yw gerys-da gans oll an genedhel yedhowek, dhodhheb o y feu erghys gans el sans may halwa dh'y ji ev ha goslowes orth an pyth a vynnydh y leverel.’

Oberow 10:31

ha leverel, “Kornelius, dha bysadow re beu klewys ha'th alusenow re beu kovhes dherag Duw.

Oberow 10:35

mes yn pub kenedhel neb a'n jeves own anodho ha gul ewnder yw plegadow dhodho.

Oberow 10:4

Ev a viras stark orto, ha kemmerys gans own ev a leveris, ‘Pandra, ytho, Arloedh?’ Hag ev a leveris dhodho, ‘Dha bysadow ha'th alusenow re yskynnas avel kovadh dherag Duw.

Oberow 10:7

Pan alsa dhe-ves an el neb a gewsis orto, ev a elwis dew a wesyon an mayni ha souder kryjyk a'n re a'n servya prest,

Oberow 11:14

neb a gews dhis geryow may fo ty ha'th vayni oll selwys.”

Oberow 13:16

Ytho Powl a sevis yn-bann, hag ow kul sin gans y leuv ev a leveris: ‘Hwi wer a Ysrael, ha'n re neb a berth own a Dhuw, goslowewgh.

Oberow 13:26

‘Breder, mebyon agh Abraham, ha'n re yn agas mysk a berth own a Dhuw, dhyn ni ger an selwyans ma re beu dannvenys.

Oberow 13:50

Mes an Yedhewon a ynnias war an benynes a vri neb a wordhya Duw ha gwelhevin an sita, ha dalleth helghyans erbynn Powl ha Barnabas, ha'ga thewlel mes a'ga ranndir.

Oberow 18:8

Lemmyn Krispus, rewler an synaga, ha ganso oll y vayni, a grysis y'n Arloedh, ha meur a dus Korinth, pan glewsons, a grysis hag a veu besydhys.

Oberow 2:5

Lemmyn yth esa trigys yn Yerusalem Yedhewon, gwer gryjyk a bub kenedhel yn-dann nev;

Oberow 22:12

‘Hag unn Ananias neb o gour kryjyk herwydh an lagha ha gerys-da gans oll an Yedhewon esa trigys ena,

Oberow 8:2

Gwer gryjyk a ynkleudhyas Stefan ha gul dresto oelva veur.

Oberow 9:11

Ha'n Arloedh a leveris dhodho, ‘Sav yn-bann, ke dhe'n stret henwys Digamm, hag yn chi Yudas hwila den Tarsus, henwys Sowl, rag otta, yma ev ow pysi,

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Kolossianys 4:2

Gwrewgh pesya yn pysadow, ow koelyas ynno gans grasyans;

1 Thessalonianys 5:17

Gwrewgh pysi heb hedhi.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’