Oberow 1:6 - An Bibel Kernewek 20234 (Kernewek Kemmyn)

⁶ Ytho, hag i kuntellys war-barth, i a wovynnas orto, ow leverel, ‘Arloedh, a wre'ta y'n tor' ma daskorr an wlaskor dhe Ysrael?’

Oberow 1:6 Iomraidhean Croise

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Ysay 1:26

My a wra restorya dha vreusysi kepar ha kyns, ha dha gonseloryon kepar hag y'n dalleth. Wosa hemma ty a vydh henwys sita an ewnder, an sita len.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 17:11

Ev a worthybis ha leverel, ‘Elias dhe wir a wra dos kynsa ha restorya pup-tra;

Matthew 20:21

Yn-medh ev dhedhi, ‘Pandr'a vynnydh?’ Yn-medh hi dhodho, ‘Gront mayth esettho ow dew vab evy, an eyl a'th parth dhyghow ha'y gila a'th parth kledh y'th wlaskor.’

Matthew 24:3

Ha pan ova esedhys war an menydh Oliv, y dhyskyblon a dheuth dhodho yn priva ha leverel, ‘Lavar dhyn, p'eur hwyrvydh oll an taklow ma ha py tokyn vydh a dha dhevedhyans ha diwedh an oes?’

Mark 9:12

Mes ev a leveris dhedha, ‘Elias dhe wir a dheu kynsa ha restorya pub tra; fatell ytho yw skrifys a Vab an den ev dhe wodhevel lies tra ha bos dispresys?

Luk 17:20

Pan veu govynnys orto gans an Fariseow p'eur teffa gwlaskor Duw, ev a worthybis dhedha ow leverel, ‘Ny dheu gwlaskor Duw yn fordh a yllir y hwithra;

Luk 19:11

Hag i ow koslowes hemma, ev a dherivas parabolenn moy, rag ev dhe vos ogas dhe Yerusalem hag i a dybi gwlaskor Duw dhe omdhiskwedhes ena a-dhistowgh.

Luk 22:29

ha my a apoynt dhywgh gwlaskor, kepar dell y's apoyntyas ow Thas dhymmo vy,

Yowann 21:21

Ena pan wrug Peder y weles, yn-medh ev dhe Yesu, ‘Arloedh, pandra a-dro dhe hemma?’