Oberow 1:3 - An Bibel Kernewek 20234 (Kernewek Kemmyn)

³ dhedha ynwedh ev a omdhiskwedhas yn few dre lies prov wosa ev dhe wodhevel, dres dew-ugens dydh owth omdhiskwedhes dhedha hag ow kewsel a-dro dhe wlaskor Duw;

Oberow 1:3 Iomraidhean Croise

1 Myghternedh 19:8

Ev a sevis, ha dybri hag eva; ena ev eth yn nerth an boes na dew-ugens dydh ha dew-ugens nos dhe Horeb, menydh Duw.

Matthew 21:43

Rakhenna, my a lever dhywgh, gwlaskor Duw a vydh kemmerys a-dhiworthowgh ha res dhe genedhel a dheg hy threvas.

Matthew 28:9

Hag awotta Yesu a wrug aga dyerbynna ow leverel, ‘Lowena dhywgh.’ Ha pan dheuthons dhodho i a dhalghennas y dreys ha plegya dhe'n leur a-dheragdho.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 4:2

Ha pan wrussa penys dew-ugens dydh ha dew-ugens nos, a-wosa ev a borthas nown.

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Yowann 20:26

Ha dhe benn eth dydh, yth esa y dhyskyblon a-bervedh arta, ha Tommas gansa. Yesu a dheuth, ha'n darasow deges, ha sevel y'n kres ha leverel, ‘Kres dhywgh.’

Yowann 21:1

Wosa hemma, Yesu a omdhiskwedhas y honan arta orth mor Tiberias; hag yndella yth omdhiskwedhas.

Yowann 21:14

Hemm o lemmyn an tressa gweyth yth omdhiskwedhas Yesu dhe'n dhyskyblon, wosa ev dhe bos drehevys a'n re varow.

Oberow 13:31

ha lies dydh ev a omdhiskwedhas dhe'n re neb a dhothya yn-bann ganso dhiworth Galile dhe Yerusalem, neb yw lemmyn y dhustunioryon dhe'n bobel.

Oberow 19:8

Ev a entras y'n synaga ha dres tri mis ev a gewsi yn hardh, ow tadhla hag owth assaya aga dri dhe gryjyans a-dro dhe wlaskor Duw.

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Oberow 28:31

ow pregoth gwlaskor Duw hag ow tyski an taklow a-dro dhe'n Arloedh Yesu Krist, gans pub hardhder ha heb lett.

Oberow 8:12

Mes pan gryssons i dhe Felip hag ev ow pregoth a-dro dhe wlaskor Duw ha hanow Yesu Krist, besydhys vons, ha gwer ha benynes.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Dewteronomi 9:18

Ena my a goedhas dhe'n dor a-rag an Arloedh avel kyns, dewgens dydh ha dewgens nos; ny dhybris bara nag eva dowr, rag oll agas pegh a beghsowgh, ow kul drog a-wel an Arloedh, dh'y brovokya dhe sorr.

Dewteronomi 9:9

Pan yskynnis dhe'n menydh dhe dhegemmeres an leghennow a ven, leghennow an kevambos a wrug an Arloedh genowgh, my a wortas y'n menydh dewgens dydh ha dewgens nos; ny dhybris bara nag eva dowr.

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

1 Yowann 1:1

An pyth a veu a-dhia'n dalleth hag a wrussyn y glewes, a wrussyn y gweles gans agan dewlagas ha mires warnodho ha tochya gans agan diwleuv, a-dro dhe'n Ger a vewnans –