Oberow 1:15 - An Bibel Kernewek 20234 (Kernewek Kemmyn)

¹⁵ Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 1:15 Iomraidhean Croise

Matthew 13:31

Ev a worras parabolenn arall a-ragdha, ow leverel, ‘Gwlaskor nev yw haval dhe hasenn kedhow a wrug den hy hemmeres ha'y gorra yn y bark.

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Yowann 14:12

Yn hwir, yn hwir y lavarav dhywgh, ev neb a grys ynnov vy, ev ynwedh a wra an oberow a wrav vy, hag oberow brassa agessa a wra, rag yth esov vy ow mos dhe'n Tas.

Yowann 21:23

Ytho an lavar ma a lesas yn mysk an vreder, na vedha an dyskybel na ow merwel. Mes ny leveris Yesu dhodho na vedha ow merwel, mes ‘Mar mynnav ev dhe wortos bys pan dhov, pyth yw henna dhis?’

Oberow 10:23

Ytho ev a's gelwis a-ji ha dhe vos y westoryon. Ha ternos ev a sevis yn-bann ha mos dhe-ves gansa, ha niver a'n vreder a Yoppa eth ganso.

Oberow 11:1

Lemmyn an abesteli ha'n vreder esa yn Yudi a glewas an Jentilys ynwedh dhe dhegemmeres ger Duw.

Oberow 11:12

Ha'n Spyrys a leveris dhymm mos gansa heb hokya. An hwegh broder ma a dheuth genev ynwedh, ha ni a entras yn chi an gour.

Oberow 11:26

ha pan y'n kavas ev a'n dros dhe Antiogh. Dell hwarva ynwedh i a omguntellas gans an eglos dres blydhen dhien, ha dyski niver meur a dus. Hag yn Antiogh yn kynsa an dhyskyblon a veu henwys Kristonyon.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Oberow 12:17

Ev a wrug sin dhedha gans y leuv may tawens, ha derivas dhedha fatell wrug an Arloedh y hembronk mes a'n prison, ha leverel, ‘Derivewgh an taklow ma dhe Jamys ha dhe'n vreder.’ Ena ev a omdennas ha mos dhe gen tyller.

Oberow 14:2

Mes an Yedhewon neb o diskryjygyon a ynnias war an Jentilys, ow treylya aga brys erbynn an vreder.

Oberow 15:1

Mes niver a wer a dheuth yn-nans dhiworth Yudi ha dyski dhe'n vreder, ‘Marnas hwi a vo trodreghys war-lergh usadow Moyses, ny yllowgh bos selwys.’

Oberow 15:3

Rakhenna, hag i dannvenys yn-rag gans an eglos, i a bassyas dre Fenikia ha Samaria, ow terivas yn kewar treylyans an Jentilys, hag i a ros heudhder meur dhe'n vreder oll.

Oberow 16:2

Ev o gerys-da gans an vreder yn Lystra hag Ikonium.

Oberow 16:40

Ha wosa mos dhiworth an prison, i eth dhe ji Lydia, hag ow kweles an vreder i a's kennerthas, ha mos mes a'n sita.

Oberow 17:10

Hag a-dhistowgh, yn termyn nos, an vreder a dhannvonas yn-rag ha Powl ha Silas dhe Berea. Pan dheuthons di, i eth yn synaga an Yedhewon;

Oberow 17:14

Ytho, an vreder a dhannvonas Powl dhe-ves, rag mos dhe'n mor; mes Silas ha Timothi a wortas ena.

Oberow 17:6

mes pan na's kavas i a dennas Yason ha re a'n vreder dhe soedhogyon an sita, ow kria, ‘An dus ma neb re dreylyas an nor war y benn re dheuth omma ynwedh,

Oberow 18:18

Wosa gortos lies dydh moy, Powl a leveris farwell gans an vreder ha goelya dhe-ves dhe Syria, ha ganso Priskilla hag Akwila, wosa ev dhe dreghi y wols yn Kenkrea; rag y feu dhodho ambos.

Oberow 18:27

Ha pan vynnas ev mos yn Aghaia, an vreder a'n kennerthas hag i a skrifas dhe'n dhyskyblon may hwrellens y wolkomma; hag ev devedhys, ev a weresas meur an re a wrussa krysi dre ras,

Oberow 21:17

Ha ni yn Yerusalem, an vreder a'gan degemmeras yn lowen.

Oberow 21:20

Pan glewsons, i a wordhyas Duw, ha leverel dhodho, ‘Ty a wel, broder, fatell eus lies mil yn mysk an Yedhewon neb re grysis, hag i oll yw diwysyk rag an lagha;

Oberow 21:7

Pan gowlwrussen an vyaj dhiworth Tyr, ni a dheuth dhe Ptolemais, may salussyn an vreder ha gortos gansa unn jydh.

Oberow 22:5

dell yll an arghoferyas hag oll konsel an henavogyon dustunia a-dro dhymm. Dhiworta my a dhegemmeras ynwedh lytherow dhe'n vreder yn Damaskus, ha mos di rag kelmi an re esa ena ha'ga dri omma dhe Yerusalem, may fens kessydhys.

Oberow 28:14

may kevsyn breder, ha ni a veu gelwys gortos gansa seyth dydh. Hag y'n for' ma ni a dheuth dhe Rom.

1 Korinthianys 15:6

Wosa henna ev a omdhiskwedhas dhe voy es pymp kans broder oll war-barth, mayth yw an moyha rann anedha hwath yn few, kyn koskas re.

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 3:4

Byttegyns yma genes nebes henwyn yn Sardis na wrug mostya aga dillas; hag i a wra kerdhes genev, gwynn aga dillas, rag gwiw yns i.