Oberow 1:13 - An Bibel Kernewek 20234 (Kernewek Kemmyn)

¹³ Ha pan entersens, i eth yn-bann dhe stevell an soler mayth esens i trigys, Peder ha Yowann ha Jamys hag Androw, Felip ha Tommas, Bertyl ha Matthew, Jamys mab Alfeus ha Simon Zelotes ha Yudas mab Jamys.

Oberow 1:13 Iomraidhean Croise

Matthew 9:9

Ha Yesu ow tremena alena a welas den o esedhys orth an dollva, Matthew henwys, ha dhodho y leveris, ‘Gwra ow holya.’ Hag ev a sevis yn-bann hag a'n holyas.

Mark 14:15

Hag ev a dhiskwa dhywgh stevell veur y'n soler, taklys ha parys; hag ena darbarewgh dhyn.’

Mark 14:33

Hag ev a gemmeras ganso Peder ha Jamys ha Yowann hag a dhallathas bos pur amovys ha troblys,

Mark 2:14

Hag ow tremena, ev a welas Levi mab Alfeus esedhys orth an dollva, hag yn-medh ev dhodho, ‘Hol vy.’ Hag ev a sevis yn-bann ha'y holya.

Mark 5:37

Ha ny asas dhe dhenvyth y holya, saw unnsel Peder ha Jamys ha Yowann broder Jamys.

Mark 9:2

Ha wosa hwegh dydh, Yesu a gemmeras ganso Peder, ha Jamys ha Yowann, ha'ga hembronk yn-bann yn menydh ughel, yn priva, aga honan; hag y feu treusfigurys a-ragdha.

Luk 22:12

Hag ev a dhiskwa dhywgh stevell veur y'n soler, taklys: pareusewgh ena.’

Yowann 11:16

Ena yn-medh Tommas, henwys Didymus, dh'y gestyskyblon, ‘Gwren ni mos ynwedh, rag may ferwyn ganso.’

Yowann 14:22

Yn-medh Yudas dhodho (nag o Skaryoth), ‘Arloedh, fatell yw, ty dhe vynnes omdhiskwedhes dha honan dhyn ni, a-der dhe'n bys?’

Yowann 18:17

Ena yn-medh an vaghteth a witha an daras dhe Peder, ‘A nyns osta jy ynwedh onan a dhyskyblon an den ma?’ Yn-medh ev, ‘Nyns ov.’

Yowann 21:2

Yth esa ena war-barth Simon Peder, ha Tommas henwys Didymus, ha Nathanael a Kana yn Galile, ha mebyon Zebede, ha dew arall a'y dhyskyblon.

Oberow 12:17

Ev a wrug sin dhedha gans y leuv may tawens, ha derivas dhedha fatell wrug an Arloedh y hembronk mes a'n prison, ha leverel, ‘Derivewgh an taklow ma dhe Jamys ha dhe'n vreder.’ Ena ev a omdennas ha mos dhe gen tyller.

Oberow 15:13

Wosa i dhe synsi taw, Jamys a worthybis, ow leverel, ‘Breder, goslowewgh orthiv.

Oberow 2:14

Mes ow sevel gans an unnek, Peder a dhrehevis y lev hag arethya orta, ‘Gwer Yudi ha myns eus trigys yn Yerusalem, bedhes hemma godhvedhys dhywgh, ha goslowewgh orth ow lavarow.

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 20:8

Lemmyn yth esa lies lugarn yn stevell y'n soler mayth en ni kuntellys.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Oberow 4:19

Mes Peder ha Yowann a worthybis ha leverel dhedha, ‘Mars yw ewn dherag Duw goslowes orthowgh hwi yn le orth Duw, hwi breusewgh;

1 Korinthianys 15:7

Wosa henna ev a omdhiskwedhas dhe Jamys, ena dhe'n abesteli oll.

Galatianys 1:19

mes ny welis abesteli erell vyth marnas Jamys broder an Arloedh.

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Jamys 1:1

Jamys, gwas Duw ha'n Arloedh Yesu Krist, dhe'n dewdhek loeth yw skattrys: Lowena dhywgh!

2 Yowann 1:1

An henavek, dhe'n arloedhes dhewisys ha'y fleghes, a garav y'n gwirder: mes nyns yw my ow honan, mes ynwedh oll an re a woer an gwirder,

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist: