Oberow 1:11 - An Bibel Kernewek 20234 (Kernewek Kemmyn)

¹¹ neb a leveris, ‘Gwer Galile, prag y sevowgh hwi ow mires troha nev? An Yesu ma, neb re beu kemmerys yn-bann dhiworthowgh yn nev, a dheu y'n keth maner ma'n gwelsowgh ow mos yn nev.’

Oberow 1:11 Iomraidhean Croise

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Mark 13:26

Hag ena i a wel Mab an den ow tos y'n kommol gans meur alloes ha golewder.

Mark 14:70

Mes ev a dhenaghas arta. Ha nebes wosa henna an re esa ow sevel ena a leveris arta dhe Peder, ‘Dhe wir, ty yw onan anedha, rag ty yw den a Alile.’

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Luk 21:27

Hag ena i a wel Mab an den ow tos yn kommolenn gans nerth ha golewder meur.

Luk 24:5

Own a's teva, hag i a blegyas aga fasow dhe'n dor. Hag i a leveris dhedha, ‘Prag y hwilowgh den bew yn mysk an re varow?

Yowann 14:3

Ha mar kwrav vy mos ha pareusi tyller ragowgh, my a dhehwel arta ha'gas kemmeres dhymm ow honan, may fowgh hwi ynwedh y'n tyller mayth esov vy.

Oberow 1:2

bys y'n jydh may feu kemmerys yn-bann, wosa ev dhe ri gorhemmynnow der an Spyrys Sans dhe'n abesteli neb re dhewissa;

Oberow 1:22

ow talleth dhiworth besydh Yowann bys y'n jydh may feu kemmerys yn-bann dhiworthyn, onan a'n re ma dhe dhos ha bos dustunier genen ni a'y dhasserghyans.’

Oberow 1:9

Ha pan lavarsa hemma, hag i ow mires, ev a veu kemmerys yn-bann ha kommolenn a'n degemmeras mes a'ga golok.

Oberow 13:31

ha lies dydh ev a omdhiskwedhas dhe'n re neb a dhothya yn-bann ganso dhiworth Galile dhe Yerusalem, neb yw lemmyn y dhustunioryon dhe'n bobel.

Oberow 2:7

Ha sowdhenys vons, ha marth a's teva, hag i a leveris, ‘Otta, a nyns yw oll an re ma neb usi ow kewsel tus a Alile?

Oberow 3:12

Pan welas Peder henna, ev a gewsis orth an bobel, ‘Gwer Ysrael, prag yma marth dhywgh a hemma, po prag y hwithrowgh warnan kepar ha pan y'n gwrussyn kerdhes der agan nerth po agan sansoleth agan honan?

Oberow 3:21

Y telledh nev dh'y gemmeres bys yn prysyow daskorrans pup-tra oll, dell gewsis Duw dre anow y brofoesi sans nans yw pell.

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

1 Thessalonianys 4:16

Rag an Arloedh y honan gans kri gorhemmynn, gans lev arghel, ha gans hirgorn Duw, a dhiyskynn dhiworth nev, ha'n re varow yn Krist a sev yn kynsa.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.