Obadia 1:7 - An Bibel Kernewek 20234 (Kernewek Kemmyn)

⁷ Oll dha geffrysysi a'th chasyas dhe'n oryon; an re yn kres genes re'th toellas, i re brevaylyas warnas; an re a dheber bara genes a sett maglenn yn-dannos, heb ty dh'y gonvedhes.

Obadia 1:7 Iomraidhean Croise

Salmow 41:10

Mes ty, A Arloedh, bydh grassyes orthiv, ha drehav vy rag mayth attylliv dhedha.

Salmow 41:9

Ynwedh ow howeth ker ow honan may trestis vy ynno, neb a dhybris ow bara, re dhrehevis y wewenn er ow fynn.

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 38:22

Otta, oll an benynes yw gesys yn chi myghtern Yuda a vydh dres yn-mes dhe bennsevigyon myghtern Babylon, hag i a lever, “I re'th toellas ha'th fetha, an wer a drestsys ynna; dha dreys yw sedhys y'n leys, hag i a dreyl a-dhiworthis.”

Yeremia 4:30

Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Kynvannow 1:19

My a grias war ow haroryon mes i a'm toellas; ow oferysi ha'm henavogyon re verwis y'n sita, hag i ow hwilas boes rag gul dh'aga enev dasvewa.

Hosea 13:13

An paynys a venyn yn lavur a dheu ragdho, mes ev yw mab anfur; pan dheu an prys ny yll ev dos dhe vin konna an brys.

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.

Yowann 13:18

Ny gowsav ahanowgh hwi oll; my a woer piw a dhewisis; mes hemm yw rag may fo an skryptor kollenwys, “Ev neb a dhybris bara genev re dhrehevis y wewenn er ow fynn.”