Obadia 1:21 - An Bibel Kernewek 20234 (Kernewek Kemmyn)

²¹ Ha tus delivrys a yn-bann dhe venydh Sion dhe rewlya menydh Esaw; ha'n myghternsys a vydh dhe'n Arloedh.

Obadia 1:21 Iomraidhean Croise

Jenesis 25:23

Hag yn-medh an Arloedh dhedhi, ‘Yma diw genedhel y'th torr ha diw bobel a vydh rynnys a'th kolodhyon; unn bobel a vydh kreffa es an bobel arall, ha'n kottha a wra servya an yowynka.’

2 Myghternedh 13:5

Ytho an Arloedh a ros selwyas dhe Ysrael, may tianksons dhiworth leuv Aram; hag yth esa fleghes Ysrael trigys yn aga thyldow kepar ha kyns.

Nehemia 9:27

Ytho ty a's ros yn leuv aga eskerens, hag i a's arwaskas. Mes yn termyn aga ahwer, i a grias dhis, ha ty a's klewas dhiworth nev, ha herwydh dha druedh bras ty a ros dhedha selwadoryon neb a's sawyas dhiworth leuv aga eskerens.

Salmow 102:15

An kenedhlow a berth own a hanow an Arloedh, hag oll myghternedh an nor a'th wolewder.

Salmow 22:28

Rag yma an myghternsys dhe'n Arloedh; hag ev yw an rewler yn mysk an kenedhlow.

Salmow 22:29

Oll an vrasyon war an nor a dheber ha gordhya; oll an re a dhiyskynn dhe'n doust a ombleg a-dheragdho, ha ny yll denvyth bewhe y enev y honan.

Salmow 47:7

Rag Duw yw Myghtern oll an nor; kenewgh gormola gans skians.

Salmow 67:4

Bedhes an kenedhlow heudhik ha garma yn lowen, rag ty a vreus an poblow gans ewnder, ha kevarwoedha an kenedhlow war an nor. Sela.

Ysay 19:20

Ev a vydh tokyn ha dustuni dhe Arloedh an luyow yn pow Ejyp. Pan grions dhe'n Arloedh drefenn an arwaskoryon, ev a dhannvon dhedha selwador, hag ev a's menten ha'ga delivra.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Daniel 12:3

Ha'n re fur a wra splanna avel golowyjyon an fyrmament; ha'n re a dreyl lies dhe wiryonedh a vydh avel an ster bys vykken ha bynnari.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Matthew 6:10

re dheffo dha wlaskor; dha vodh re bo gwrys, yn nor kepar hag yn nev.

Matthew 6:13

Ha na wra agan dri yn temptasyon, mes delirv ni dhiworth drog.

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

1 Timothi 4:16

Bydh war a-dro dhiso jy dha honan, hag a-dro dhe'th tyskas; gwra pesya ynna i, rag, ow kul yndella, ty a wra omselwel, ha selwel ynwedh dha woslowysi.

Jamys 5:20

godhvydhes ev: neb a dreyl peghador a'y gammfordh a selow y enev a ankow, ha kudha peghosow pals.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Breusysi 2:16

Ena an Arloedh a dhrehevis breusysi neb a wre aga selwel dhiworth leuv an re a'ga fylla.

Breusysi 3:9

Mes pan grias mebyon Ysrael dhe'n Arloedh, an Arloedh a dhrehevis delivrer rag mebyon Ysrael, neb a's delivras, Othniel mab Kenaz, broder yowynka Kaleb.