Obadia 1:12 - An Bibel Kernewek 20234 (Kernewek Kemmyn)

¹² Mes ny dalvia, ty dhe vires yn heudh war dhydh dha vroder yn dydh y anfeusi, na lowenhe war vebyon Yuda yn dydh aga diswrians; na kewsel yn howtyn yn dydh aga diswrians.

Obadia 1:12 Iomraidhean Croise

Job 18:20

Tus a'n howlsedhes a's teves marth a'y denkys, skruth a gemmer tus a'n howldrevel.

Job 31:29

‘Mar lowenhis drefenn anfeus ow eskar po bos heudh pan wrug drog y gavoes

Salmow 22:17

My a yll nivera ow eskern oll; i a lagatt hag a vir orthiv.

Salmow 31:18

Bedhes avlavar an gweusyow gowek, neb a lever erbynn an re wiryon yn howtyn, gans goeth ha despit.

Salmow 35:15

Ha pan drebuchis vy, i a omguntellas yn lowen, avel estrenyon na aswonnis vy i a omguntellas er ow fynn; i a'm skwardyas heb hedhi.

Salmow 37:13

An Arloedh a hwerth orto, rag ev a wel y dhydh ow tos.

Salmow 54:7

Rag ev re'm delivras dhiworth pub anken, ha'm lagas re welas y vynnas war ow eskerens.

Salmow 59:10

Duw ow thregeredh a a-dheragov; Duw a wra dhymm gweles ow mynnas war ow eskerens.

Salmow 92:11

Ow lagas ynwedh a wel ow mynnas war ow eskerens; ha'm diwskovarn a glew ow mynnas a'n debeles a sev er ow fynn.

Lavarow Koth 17:5

Neb a skorn an boghosek a arvedh y Wrier; neb a lowenha pan wel terroes tus erell ny vydh divlam.

Ysay 37:24

Dre leuv dha servysi ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon. My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

Kynvannow 2:16

Oll dha eskerens a iger aga ganow er dha bynn; i a hwiban ha deskerni aga dyns, ha kria: ‘Ni re's kollonkas! Hemm yw devri an jydh mayth en ni hwansek dhodho. Wor'tiwedh ni re'n kavas! ni re'n gwelas!’

Kynvannow 4:21

Lowenha ha bydh heudhik, A vyrgh Edom, neb a drig yn pow Us, ynwedh dhiso jy tremena a wra an hanaf. Medhwys vydhydh, ha ty a lommha dha honan.

Ezekiel 35:12

Ha ty a woer y hwrugavy, an Arloedh, klewes oll dha vlasfemiow a gewssys erbynn menydhyow Ysrael, ow leverel, ‘Wastys yns; i re beu res dhyn dhe dhevorya.’

Ezekiel 35:15

Kepar dell lowenhasys erbynn eretons chi Ysrael, drefenn y vos ynyalder, yndella my a wra dha dhyghtya; ty a vydh ynyalder, menydh Seir, hag Edom kowal. Ena i a woer my dhe vos an Arloedh.

Ezekiel 36:5

rakhenna yndellma y lever an Arloedh Duw: Sur yn tan ow avi my re gewsis erbynn remenant an kenedhlow, hag erbynn oll Edom a gemmeras ow thir dhedha aga honan rag eretons gans joy yn aga holonn ha despit yn aga brys, rag may fe hy feurva preydh.

Mika 4:11

Ha lemmyn kenedhlow pals re omguntellas er dha bynn, ow leverel, ‘Bedhes hi disakrys, re wrello agan dewlagas mires war derroes Sion.’

Luk 19:41

Ha pan dheuth nes, ow kweles an sita, ev a oelas warnedhi,

Jamys 3:5

Yndella an taves ynwedh yw esel byghan hag a vost taklow bras. Otta, ass yw byghan an tan, hag ass yw bras an koes a vydh leskys ganso!

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.

Diskwedhyans 13:5

Ha ganow a veu res dhodho, ow leverel taklow meur ha blasfemiow; ha galloes a veu res dhodho dhe weytha dew vis ha dew-ugens.

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.