Niverow 9:8 - An Bibel Kernewek 20234 (Kernewek Kemmyn)

⁸ Ha Moyses a leveris dhedha, ‘Gortewgh, may klewiv an pyth a worhemmynn an Arloedh a-dro dhywgh.’

Niverow 9:8 Iomraidhean Croise

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Salmow 85:8

My a woslow orth an pyth a lever Duw an Arloedh, rag ev a lever kres dh'y bobel ha dh'y syns; mes na dreylyens arta dhe follneth.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Eksodus 18:15

Ha Moyses a leveris dh'y hwegron, ‘Rag an bobel dhe dhos dhymm dhe hwilas mynnas Duw;

Ezekiel 2:7

Kows ow geryow orta, mar koslowons po mar skonyons; rag chi diwostydh yns i.

Ezekiel 3:17

Mab den, my re'th wrug goelyador rag chi Ysrael; peskweyth may klewydh ger dhiworth ow ganow, ty a re dhedha gwarnyans dhiworthiv.

Levitikus 24:12

Hag i a'n worras yn-dann with, ow kortos bodh an Arloedh dhe vos diskwedhys dhedha.

Niverow 15:34

I a'n gorras yn-dann with, drefenn na veu ervirys an pyth a dela bos gwrys dhodho.

Niverow 27:5

Moyses a dhros an kas a-rag an Arloedh.

Niverow 9:7

ha'n wer na a leveris dhodho, ‘Avlan on dre dochya korf marow den; prag yth yw difennys orthyn offrynna offrynn an Arloedh y'n termyn apoyntys yn mysk mebyon Ysrael?’

Niverow 9:9

An Arloedh a leveris dhe Moyses,

Yowann 17:8

Rag my re ros dhedha an geryow a resys dhymm, hag i a's degemmeras hag a gonvedhas yn gwirder my dhe dhos ahanas, hag i a grysis ty dhe'm dannvon.

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Oberow 20:27

rag ny omwithis vy rag derivas dhywgh oll an gusul a Dhuw.

1 Korinthianys 11:23

Rag my a dhegemmeras dhiworth an Arloedh an pyth a res vy ynwedh dhywgh hwi: an Arloedh Yesu, y'n nos may feu traytys, a gemmeras bara,

1 Korinthianys 4:4

rag ny wonn travyth er ow fynn ow honan, mes nyns ov vy akwitys dre henna. An Arloedh yw, neb a'm breus.