Niverow 9:18 - An Bibel Kernewek 20234 (Kernewek Kemmyn)

¹⁸ Orth gorhemmynna an Arloedh mebyon Ysrael e yn-kerdh, hag orth gorhemmynna an Arloedh i a gampya; kettell wre an gommolenn sevel stag a-ugh an tabernakel, i a gampya.

Niverow 9:18 Iomraidhean Croise

Eksodus 17:1

An kuntelles oll a vebyon Ysrael eth yn-rag a wylvos Sin yn kerdhow berr, herwydh gorhemmynn an Arloedh, ha kampya yn Refidim; mes nyns esa dowr dhe'n bobel dh'y eva.

Niverow 10:13

I eth yn-kerdh an kynsa prys orth gorhemmynna an Arloedh dre leuv Moyses.

Niverow 9:16

Hag yndella prest yth o; an gommolenn a'n kudha dydhweyth, ha semlans an tan nosweyth.

Niverow 9:19

Hwath pan wre an gommolenn tarya a-ugh an tabernakel lies dydh, mebyon Ysrael a witha charj an Arloedh, ha nyns ens yn-kerdh.

Niverow 9:20

Treweythyow yth esa an gommolenn niver a dhydhyow a-ugh an tabernakel, ha war-lergh gorhemmynna an Arloedh yth esens trigys y'n kamp; ena war-lergh gorhemmynna an Arloedh yth ens yn-kerdh.

1 Korinthianys 10:1

Ny vynnav, breder, hwi dhe vos heb godhvos bos agan tasow oll yn-dann an gommolenn, hag i oll a dremenas der an mor,

2 Yowann 1:6

Ha hemma yw kerensa, ni dhe gerdhes war-lergh y worhemmynnow. Hemm yw an gorhemmynn: may kerthowgh ynno, dell re glewsowgh a-dhia'n dalleth.