Niverow 9:13 - An Bibel Kernewek 20234 (Kernewek Kemmyn)

¹³ Mes an gour yw glan ha heb bos ow vyajya, mes hwath a omwith rag gwitha an pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh.

Niverow 9:13 Iomraidhean Croise

Jenesis 17:14

Ha gorreydh heb trodreghyans, nag yw trodreghys kig y gudhgenn, treghys dhe-ves dhiworth y bobel vydh an enev na; ev re dorras ow hevambos.’

Eksodus 12:15

Seyth dydh hwi a wra dybri bara heb goell; y'n kynsa dydh hwi a wra gorra goell yn-mes a'gas chiow, rag mar teppro nebonan goell, a'n kynsa dydh dhe'n seythves, an den na a vydh treghys dhiworth Ysrael.

Eksodus 12:19

Dre seyth dydh ny vydh kevys goell vyth yn agas chiow; rag mar teppro nebonan neppyth gans goell, an den na a vydh treghys a guntelles Ysrael, kyn fo alyon po genesik a'n tir.

Eksodus 12:47

Ha kuntelles Ysrael oll a wra y witha.

Eksodus 30:33

Neb a gemmysko oyl avello po neb a worro anodho war estren a vydh treghys a'y bobel.’

Eksodus 30:38

Piwpynag a wrello nebes haval dhodho dh'y dhevnydhya avel perfum a vydh treghys a'y bobel.

Ezekiel 23:49

I a attal kessydhyans agas avlander warnowgh, ha hwi a berth an kessydhyans rag peghosow agas idolys. Ena hwi a woer my dhe vos an Arloedh Duw.

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 17:4

heb y dhri bys yn daras tylda an kuntelles dhe offrynna offrynn dhe'n Arloedh dherag tabernakel an Arloedh: goes a vydh reknys erbynn an gour na; an gour ma re skoellyas goes, hag ev a vydh treghys dhe-ves dhiworth y bobel.

Levitikus 20:20

Ha mar krowedh gour gans gwreg y ewnter, ev re dhiskudhas noethedh y ewnter. I a dheg aga fegh. I a verow anvap.

Levitikus 22:9

Ytho, i a syns ow charj, na borthons pegh warnodho ha merwel dredho drefenn i dh'y dhefola. An Arloedh ov vy, neb a wra aga sanshe.

Levitikus 24:15

Ha ty a gews orth mebyon Ysrael, ow leverel: Piwpynag a vollottho y Dhuw a berth y begh.

Niverow 19:13

Piwpynag a docchyo den marow, korf den pynag re verwis, ha ny omlanha, a dhefol tabernakel an Arloedh, ha'n den na a vydh treghys a-dhiworth Ysrael; drefenn na veu skoellys warnodho an dowr a lanheans, ev a vydh avlan; yma y avlander hwath warnodho.

Niverow 19:20

Mes an den yw avlan ha ny omlanha, an enev na a vydh treghys a-dhiworth an gemmynieth, drefenn ev dhe dhefola sentri an Arloedh; drefenn na veu skoellys warnodho an dowr a lanheans, ev yw avlan.

Niverow 5:31

An gour a vydh rydh a gammweyth, mes an venyn a dheg hy hammweyth.’

Niverow 9:7

ha'n wer na a leveris dhodho, ‘Avlan on dre dochya korf marow den; prag yth yw difennys orthyn offrynna offrynn an Arloedh y'n termyn apoyntys yn mysk mebyon Ysrael?’

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 6:6

hag ena y koedhsons a-denewen, rag i a grows Mab Duw arta ragdha i aga honan ha gul bismer dhodho.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.