Niverow 8:14 - An Bibel Kernewek 20234 (Kernewek Kemmyn)

¹⁴ Yndellma ty a dhiberth an Levysi a-dhiworth mebyon Ysrael, ha'n Levysi a vydh dhymm.

Niverow 8:14 Iomraidhean Croise

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Niverow 18:6

Hag otta, my re gemmeras agas breder an Levysi yn-mes a vebyon Ysrael; i yw ro dhis, res dhe'n Arloedh, dhe wul servis tylda an kuntelles.

Niverow 3:12

‘Otta, my re gemmeras an Levysi yn-mes a vebyon Ysrael yn le pub kynsa-genys a iger an brys yn mysk mebyon Ysrael. An Levysi a vydh dhymm,

Niverow 3:45

‘Kemmer an Levysi yn le pub kynsa-genys yn mysk mebyon Ysrael, ha chatel an Levysi yn le aga chatel; ha'n Levysi a vydh dhymm: my yw an Arloedh.

Niverow 3:9

Ha ty a re an Levysi dhe Aron ha'y vebyon; i yw res oll yn tien dhodho yn sur a-dhiworth mebyon Ysrael.

Niverow 6:2

Lavar dhe vebyon Ysrael, Pan gollenow gour po benyn ambos arbennik, ambos nazirek, dhe vos sakrys avel naziryas dhe'n Arloedh,

Niverow 8:13

Ha ty a wra dhe'n Levysi sevel a-rag Aron ha'y vebyon, ha'ga offrynna avel offrynn gwevys dhe'n Arloedh.

Niverow 8:17

Rag pub kynsa-genys yn mysk mebyon Ysrael yw dhymm, ha den ha best; y'n jydh may ledhis pub kynsa-genys yn pow Ejyp my a's sakras dhymm ow honan,

Romanyon 1:1

Powl, gwas a Yesu Krist, gelwys dhe vos abostol, diberthys dhe aweyl Duw

Galatianys 1:15

Byttegyns pan vynnas Duw, neb a'm dibarthas a-dhia vrys ow mamm ha'm gelwel der y ras,

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.