Niverow 8:12 - An Bibel Kernewek 20234 (Kernewek Kemmyn)

¹² Ena an Levysi a worr aga diwleuv war benn an terewi; ha ty a wra profya an eyl rag offrynn pegh ha'y gila rag offrynn dre dan dhe'n Arloedh, rag gul prenedh a-barth an Levysi.

Niverow 8:12 Iomraidhean Croise

Eksodus 29:10

Ena ty a dhre an lodhen a-rag tylda an kuntelles. Aron ha'y vebyon a wra gorra aga diwleuv war benn an lodhen,

Levitikus 1:4

Ev a worr y leuv war benn an sakrifis leskys, ha kemmeradow vydh ragdho, dhe wul dehwelyans ragdho.

Levitikus 14:22

ha diw durenn po diw golomm yowynk, par dell eus yn y leuv pygans lowr, ha'n eyl anedha a vydh offrynn pegh ha'y ben offrynn leskys.

Levitikus 16:11

Hag Aron a dhre an lodhen rag an offrynn pegh yw ragdho ev, ha gul dehwelyans ragdho ev ha rag y ji ha ladha an lodhen rag an offrynn pegh yw ragdho ev

Levitikus 16:21

Hag Aron a worr y dhiwleuv war benn an bogh bew ha konfessya warnodho kammweythresow oll mebyon Ysrael hag oll aga threuspassow, oll aga feghosow, orth aga gorra war benn an bogh, hag ev a'n dannvon dhe-ves dre leuv gour yw parys, bys y'n difeythtir.

Levitikus 16:6

Hag Aron a offrynn lodhen an offrynn pegh ragdho ev y honan, ha gul dehwelyans ragdho ev ha rag y ji.

Levitikus 4:15

Ha henavogyon an kuntelles a worr aga diwleuv war benn an lodhen dherag an Arloedh, ha'n tarow a vydh ledhys dherag an Arloedh.

Levitikus 4:20

Hag ev a wra gans an lodhen kepar dell wrug gans an lodhen rag an offrynn pegh; yndella y hwra ev gans hemma. Ha'n oferyas a wra dehwelyans ragdha, ha gevys vydh dhedha.

Levitikus 4:35

Hag ev a gemmer dhe-ves oll an blonek dell yw kemmerys blonek an oen dhiworth sakrifis an offrynnow kres, ha'n oferyas a'n lesk war an alter, gans an offrynnow gwrys dre dan dhe'n Arloedh; ha'n oferyas a wra dehwelyans rag y begh re wrug ev, hag y fydh gevys dhodho.

Levitikus 4:4

Hag ev a dhre an lodhen dhe dharas tylda an kuntelles dherag an Arloedh ha gorra y leuv war benn an lodhen ha ladha an lodhen dherag an Arloedh.

Levitikus 5:7

Ha mar nyns eus yn y leuv pygans lowr rag oen, ev a dhre, avel offrynn kammweyth rag an pegh a wrug, diw durenn po diw golomm yowynk dhe'n Arloedh, onan rag offrynn pegh ha'y ben rag offrynn leskys.

Levitikus 8:14

Hag ev a dhros an lodhen rag an offrynn pegh, hag Aron ha'y vebyon a worras aga diwleuv war benn lodhen an offrynn pegh.

Levitikus 8:15

Hag ev a'n ladhas; ha Moyses a gemmeras an goes ha'y worra gans y vys war gern an alter a-dro ha purhe an alter ha dinewi an goes war woeles an alter, dhe wul dehwelyans warnodho.

Levitikus 8:18

Hag ev a dhros hordh an offrynn leskys, hag Aron ha'y vebyon a worras aga diwleuv war benn an hordh.

Levitikus 8:34

Kepar dell wrug an jydh ma, yndella re erghis an Arloedh, dhe wul dehwelyans ragowgh.

Levitikus 9:7

Hag yn-medh Moyses dhe Aron, ‘Ke bys y'n alter hag offrynn dha offrynn pegh, ha'th offrynn leskys ha gul dehwelyans a-barth dhis dha honan hag a-barth an bobel, ha gwra offrynn an bobel, ha gul dehwelyans ragdha, dell erghis an Arloedh.’

Niverow 6:14

hag ev a dhre y offrynn dhe'n Arloedh, unn oen gorow a unn bloedh heb namm rag offrynn leskys, hag unn oenes benow a unn bloedh heb namm avel offrynn pegh, hag unn hordh heb namm avel offrynn kres,

Niverow 6:16

Ha'n oferyas a wra aga dri a-rag an Arloedh ha gul y offrynn pegh ha'y offrynn leskys,

Niverow 8:13

Ha ty a wra dhe'n Levysi sevel a-rag Aron ha'y vebyon, ha'ga offrynna avel offrynn gwevys dhe'n Arloedh.

Niverow 8:8

Ena gas i dhe gemmeres tarow yowynk ha'y offrynn greun a vleus fin kemmyskys gans oyl, ha ty a gemmer tarow yowynk arall rag offrynn pegh.

Ebrowyon 9:22

Yn hwir, herwydh an lagha ogas pub tra yw glanhes gans goes, ha heb skoellya goes ny vydh dehwelyans peghosow.