Niverow 7:10 - An Bibel Kernewek 20234 (Kernewek Kemmyn)

¹⁰ Ha'n hembrenkysi a offrynnas offrynnow rag sakrans an alter y'n jydh may feu untys; ha'n hembrenkysi a offrynnas aga offrynn a-rag an alter.

Niverow 7:10 Iomraidhean Croise

1 Myghternedh 8:63

Solomon a offrynnas avel offrynn kres dhe'n Arloedh dew warn ugens a ojyon ha hwegh-ugens mil a dheves. Ytho an myghtern hag oll an Ysraelysi a sakras chi an Arloedh.

2 Kroniklys 7:5

Myghtern Solomon a offrynnas avel sakrifis dew vil warn ugens a ojyon, ha hweg ugens mil dhavas. Yndella an myghtern hag oll an bobel a sakras chi Duw.

2 Kroniklys 7:9

Y'n nawves dydh i a ordenas kuntelles solem; rag i re solempnyas sakrans an alter seyth dydh ha'n goel seyth dydh.

Nehemia 12:27

Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

Nehemia 12:43

Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Salmow 30:1

My a'th ughelha, A Arloedh, rag ty re'm drehevis, ha ny essys ow eskerens dhe lowenhe a'm govis.

Niverow 7:1

Y'n jydh may hworfennsa Moyses settya an tabernakel, ha'y untya ha'y sakra gans oll y dhaffar, hag untya ha sakra an alter gans oll y dhaffar,

Niverow 7:11

Ha'n Arloedh a leveris dhe Moyses: I a wra offrynna aga offrynnow, unn hembrenkyas pub dydh, rag sakrans an alter.

Niverow 7:84

Hemm o rag sakrans an alter, y'n jydh may feu untys, a-dhiworth hembrenkysi Ysrael: dewdhek plat a arghans, dewdhek bolla a arghans, dewdhek skudell a owr,

Niverow 7:88

hag oll an gwarthek rag an sakrifis a offrynnow kres peswar tarow warn ugens, an hordhes tri-ugens, an boghes tri-ugens, an eyn unn bloedh tri-ugens. Hemm o offrynn an sakrans rag an alter pan veu untys.

Dewteronomi 20:5

An soedhogyon ynwedh a gews orth an bobel, ow leverel, ‘Eus gour re dhrehevis chi nowydh ha ny wrug y sakra? Es ev ha dehweles dh'y ji, rag own ev dhe verwel y'n vatel ha gour arall dh'y sakra.