Niverow 6:5 - An Bibel Kernewek 20234 (Kernewek Kemmyn)

⁵ Dydhyow oll y ambos nazirek ny wra altenn vyth dos war y benn; bys pan vydh kowlwrys an termyn may fo sakrys avel naziryas dhe'n Arloedh, ev a vydh sans; ev a wra gasa kudynnow y wols dhe devi hir.

Niverow 6:5 Iomraidhean Croise

Ezekiel 44:20

Ny dreghons blew aga fenn dhe vos blogh, na gasa aga gols dhe vos hir; mes i a dregh gols aga fenn gans rach.

Niverow 6:4

Dydhyow oll may fo naziryas ny wra dybri travyth yw askorrys gans an gwinbrenn, na hwath an has na'n rusk.

Oberow 18:18

Wosa gortos lies dydh moy, Powl a leveris farwell gans an vreder ha goelya dhe-ves dhe Syria, ha ganso Priskilla hag Akwila, wosa ev dhe dreghi y wols yn Kenkrea; rag y feu dhodho ambos.

Breusysi 13:5

Rag ty a omdhek ha dineythi mab. Gwayt na dheffo altenn vyth war y benn rag an mab a vydh Naziryas dhe Dhuw a'y enesigeth. Ev a vydh neb a dhalleth delivra Ysrael a leuv an Filistysi.’

Breusysi 16:17

Ytho ev a dherivas dhedhi oll an kevrin, hag a leveris dhedhi, ‘Nevra ny dheuth altenn war ow fenn, rag my re beu Naziryas dhe Dhuw a dorr ow mamm. Mar pe gols ow fenn treghys dhe-ves, ena ow nerth a'm gassa; gyllys vien ha bos gwann, ha bos haval dhe bub den arall.’

Breusysi 16:19

Hi a'n asas dhe goska war hy barrlenn; ha hi a elwis gour, hag a wrug dhodho treghi an seyth kudynn a'y benn. Ev a dhallathas bos gwann, ha'y nerth a'n gasas.

1 Samuel 1:11

Ha hi a ambosas ambos ha leverel, ‘A Arloedh an luyow, mar mirydh dhe wir war alar dha vaghteth, ha perthi kov ahanav, ha ny ankevydh dha vaghteth, mes ri dhe'th vaghteth mab, ena my a'n re dhe'n Arloedh oll dydhyow y vewnans, ha ny wra altenn vyth tochya y benn.’