Niverow 5:18 - An Bibel Kernewek 20234 (Kernewek Kemmyn)

¹⁸ Ha'n oferyas a worr an venyn a-rag an Arloedh, ha digelmi gols penn an venyn, ha gorra yn hy diwdhorn offrynn greun an kovadh, hag yw offrynn greun a avi. Hag yn y dhorn an oferyas a'n jevydh an dowr a hwerowder a dhre an volleth.

Niverow 5:18 Iomraidhean Croise

Lavarow Koth 5:4

mes wor'tiwedh hi yw mar hwerow avel fuelenn, mar lymm avel kledha dewvinyek.

Ekklesiastes 7:26

Ha my a gyv bos moy hwerow ages mernans an venyn neb yw hy holonn maglennow ha roesow, ha neb yw hy diwla bondys. Neb yw da a-rag Duw a dhienk dhiworti, mes maglennys yw an peghador gensi.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Levitikus 13:45

Ha'n klavorek hag ynno an pla, y dhillas a vydh skwardys, ha gols y benn a vydh ow kregi lows, hag ev a gudh y vinvlew ha kria ‘Avlan! Avlan!’

Niverow 5:15

ena an gour a hembronk y wreg dhe'n oferyas, ha dri an offrynn rygdhi, an degves rann a efa a vleus heydh; ny wra ev dinewi oyl vyth warnedha na gorra frankynkys warnedha, rag y vos offrynn greun a avi, offrynn greun a govadh, ow tri kammweyth dhe govadh.

Niverow 5:17

ha'n oferyas a wra kemmeres dowr sans yn lester a bri, ha kemmeres nebes a'n doust usi war leur an tabernakel ha'y worra y'n dowr.

Niverow 5:19

Ena an oferyas a wra dhedhi lia li, ow leverel, ‘Mar ny wrowedhas gour genes, ha mar ny dreylsys a-denewen dhe avlander, ha ty yn-dann rewl dha wour, bydh rydh a'n dowr ma a hwerowder a dhre an volleth.

Niverow 5:22

re dremenno y'th kolodhyon an dowr ma a dhre an volleth ha gul dhe'th torr hwedhi ha'th vordhos gwedhra.’ Ha'n venyn a lever, ‘Amen, Amen.’

1 Korinthianys 11:15

mes bos golewder dhe venyn ha gensi gols hir? – drefenn bos res dhedhi an gols hir rag kudhlenn.

1 Korinthianys 11:6

Rag benyn mar nyns yw kudhlennys, bedhes knyvys; mes mars yw divlas dhe venyn bos knyvys po bloghhes, bedhes kudhlennys.

Dewteronomi 29:18

Bedhewgh war ma na fo ynnowgh hwi gour na benyn na kordh na loeth may treyl y golonn hedhyw dhiworth an Arloedh agan Duw dhe gerdhes ha servya duwow an kenedhlow ma; ma na vo ynnowgh hwi gwreydhenn ow toen kegis ha fuelenn.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

1 Samuel 15:32

Ena Samuel a leveris, ‘Dro Agag myghtern Amalek omma dhymm.’ Hag y teuth Agag dhodho yn kargharow. Agag a leveris, ‘Yn sur hwerowder mernans yw tremenys.’