Niverow 4:15 - An Bibel Kernewek 20234 (Kernewek Kemmyn)

¹⁵ Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

Niverow 4:15 Iomraidhean Croise

2 Samuel 15:24

Hag otta, y feu Sadok ena ynwedh, hag oll an Levysi ganso, ow toen argh kevambos Duw. I a settyas argh Duw yn-nans, hag Abiathar eth yn-bann dhe sakrifia bys pan worfennsa oll an bobel tremena mes a'n sita.

2 Samuel 6:13

ha pan alsa an re esa ow toen an argh hwegh kamm, ev a sakrifias ojyon ha bualyon peskys.

1 Myghternedh 8:3

Oll henavogyon Ysrael a dheuth, ha'n oferysi a gemmeras an argh yn-bann.

1 Kroniklys 15:15

Ha'n Levysi a dhug argh Duw war aga diwskoedh gans an gwelynni, dell arghsa Moyses war-lergh ger an Arloedh.

1 Kroniklys 15:2

Ena Davydh a leveris, ‘Ny yll nagonan doen argh Duw marnas an Levysi, rag an Arloedh a's dewisas dhe dhoen argh an Arloedh ha dhe venystra dhodho bys vykken.’

1 Kroniklys 23:26

Ytho nyns yw res na fella dhe'n Levysi doen an tabernakel na'n daffar rag y servis’ –

Eksodus 19:12

Ha ty a wra oryon dhe'n bobel oll a-dro, ow leverel, “Gwaytyewgh na yskynnowgh bys y'n menydh na tochya an or anodho; piwpynag a docchyo an menydh a vydh gorrys dhe'n mernans;

Eksodus 19:21

Ha'n Arloedh a leveris dhe Moyses, ‘Diyskynn ha gwarnya an bobel ma na steffyons yn-bann dhe'n Arloedh dhe vires, ha lies anedha merwel.

Eksodus 27:7

ha'n gwelynni a vydh gorrys der an lagasennow, may fydh an gwelynni dhe'n dhew denewen a'n alter pan vo degys.

Levitikus 16:13

Hag ev a worr an ynkys war an tan dherag an Arloedh, may kwrello kommolenn an ynkys kudha an dregeredhva usi war an dustuni, ma na varwo.

Niverow 1:50

mes sett an Levysi war dabernakel an dustuni, ha war oll y dhaffar, ha war bup-tra eus dhodho; i a dheg an tabernakel hag oll y dhaffar, hag i a'n serv, ha kampya a-dro dhe'n tabernakel.

Niverow 1:51

Pan wra an tabernakel mos yn-rag, an Levysi a wra y dhisevel; ha pan dheu an tylda dhe vos settys yn-bann, an Levysi a wra y sevel. Ha mar teffo estren yn ogas, ev a vydh gorrys dhe'n mernans.

Niverow 10:21

Ena an Kohathysi eth yn-kerdh, ow toen an sentri, ha'n tabernakel a veu sevys kyns aga dos.

Niverow 18:3

I a wra dha attendya ha gwitha deverow oll an tylda; mes ny wrons dos nes dhe lestri an sentri po dhe'n alter, ma na wrellons i, na hwi, merwel.

Niverow 3:38

Ha'n re ow kampya a-rag an tabernakel dhe'n est, a-rag tylda an kuntelles war-tu ha'n howldrehevel, yw Moyses hag Aron ha'y vebyon, neb a with deverow an sentri, pypynag a dal bos gwrys rag mebyon Ysrael; ha mar teffo estren yn ogas, ev a vydh gorrys dhe'n mernans.

Niverow 4:14

hag i a worr warnedhi oll an daffar yw devnydhys rag an servis ena, an padellow tan, an kigveryow, an reuvow, ha'n bollow, oll daffar an alter; hag i a wra lesa warnedhi kudhans a greghyn morhoghes, ha gorra ynni hy gwelynni.

Niverow 4:19

mes gwra aga dyghtya yndellma, may fewons, ha ma na varwons pan dhons ogas dhe'n taklow an moyha sans: Aron ha'y vebyon a wra mos ha'ga ordena peub dh'y oberenn ha dh'y vegh;

Niverow 4:20

mes nyns ons dhe vires war an taklow sans hwath rag pols, ma na varwons.’

Niverow 7:9

Mes dhe vebyon Kohath ny ros travyth, drefenn aga bos charjys gans gwith an taklow sans hag a dela bos degys war an skoedh.

Dewteronomi 31:9

Ytho Moyses a skrifas an lagha ma, ha'y ri dhe'n oferysi leviek, degoryon argh kevambos an Arloedh, ha dhe oll henavogyon Ysrael.

Yoshua 4:10

An oferysi esa ow toen an argh a sevi yn kres an Yordan, bys pan veu kollenwys pup-tra a wrug an Arloedh y worhemmynna dhe Yoshua dhe leverel dhe'n bobel, war-lergh pup-tra a wrug Moyses y worhemmynna dhe Yoshua. Ha'n bobel a dreusis yn unn fistena.

1 Samuel 6:19

Hag ev a weskis gwer Beth-shemesh, drefenn i dhe vires a-ji dhe argh an Arloedh; hag ev a weskis deg ha tri-ugens gour anedha. An bobel a gynis, drefenn an Arloedh dhe wul ladhva veur yn mysk an bobel.