Niverow 33:2 - An Bibel Kernewek 20234 (Kernewek Kemmyn)

² Moyses a skrifas oll aga diberthvaow dre worhemmynn an Arloedh; ha'n re ma yw aga herdhow war-lergh aga diberthvaow.

Niverow 33:2 Iomraidhean Croise

Eksodus 17:14

Ha'n Arloedh a leveris dhe Moyses, ‘Skrif hemma yn lyver avel kovadh, ha'y dhasleverel yn diwskovarn Yoshua may tileav yn tien kov Amalek a-dhann nev.’

Niverow 10:13

I eth yn-kerdh an kynsa prys orth gorhemmynna an Arloedh dre leuv Moyses.

Niverow 10:6

Ha pan hwythydh gwarnyans dhe'n eyl prys, an kampow dhe'n tenewen dyghow a wra mos yn-kerdh. Gwarnyans a vydh hwythys pup-prys pan vydhons ow mos yn-kerdh.

Niverow 33:1

An re ma yw kerdhow mebyon Ysrael, pan ethons yn-mes a bow Ejyp herwydh aga luyow yn-dann leuv Moyses hag Aron.

Niverow 33:3

I eth yn-kerdh a-dhiworth Rameses y'n kynsa mis, y'n pymthegves dydh a'n kynsa mis; y'n jydh wosa an pask mebyon Ysrael eth yn-mes gans leuv ughel yn golok an Ejyptianys oll,

Dewteronomi 1:2

Yma kerdh a unnek dydh dhiworth Horeb dre fordh menydh Seir bys yn Kadesh-barnea.

Dewteronomi 10:11

Ena an Arloedh a leveris dhymm, ‘Sav ha ke y'th kerdh a-rag an bobel, rag mayth ellons hag erita an tir a des dh'aga thasow y ri dhedha.’