Niverow 32:5 - An Bibel Kernewek 20234 (Kernewek Kemmyn)

⁵ Hag i a leveris, ‘Mar kevsyn gras y'th wolok, bedhes res an tir ma dhe'th servysi rag perghennogeth; na'gan kemmer a-dreus dhe'n Yordan.’

Niverow 32:5 Iomraidhean Croise

Jenesis 19:19

Awotta lemmyn, dha servont re gavas gras y'th wolok ha ty re gressyas dha dregeredh re wruss'ta genev ow sawya ow bewnans; ha ny allav fia dhe'n menydh, rag own a'n droktra dhe'm kemmeres ha my dhe verwel.

2 Samuel 14:22

Yoab a goedhas war y fas dhe'n dor hag omblegya, ha benniga an myghtern; hag yn-medh Yoab, ‘Hedhyw dha was a woer my dhe gavoes gras y'th wolok, ow arloedh, A vyghtern, drefenn an myghtern dhe wrontya govynnadow y was.’

Ester 5:2

Pan welas an myghtern Ester an vyghternes ow sevel y'n klos, hi a gavas gras yn y wolok; hag ev a ystynnas dhe Ester an dernwelenn owrek esa yn y dhorn. Ena Ester a dheuth nes ha tochya penn an dernwelenn.

Yeremia 31:2

Yndellma y lever an Arloedh: An bobel a veu gesys a'n kledha a gavas favour y'n gwylvos; hwath Ysrael pan hwilas powes,

Niverow 32:4

an tir a wrug an Arloedh y weskel a-rag kuntelles Ysrael, yw tir rag gwarthek; ha'th servysi a's teves gwarthek.’

Niverow 32:6

Mes Moyses a leveris dhe vebyon Gad ha dhe vebyon Rewben, ‘A wra dha vreder mos dhe vresel, ha hwi esedhys omma?

Dewteronomi 1:37

Ynwedh an Arloedh a sorras orthiv a'gas govis, ow leverel, ‘Ty ynwedh, ny dheudh ena.

Yoshua 7:7

Yoshua a leveris, ‘Eghan, Arloedh Duw, prag y tresys an bobel ma dres an Yordan rag agan ri yn leuv an Amorysi dhe vos distruys? Unnweyth a pen ni pes da ow triga a'n tu arall dhe'n Yordan!

Ruth 2:10

Ha hi a goedhas war hy fas hag omblegya dhe'n dor, ha leverel dhodho, ‘Prag y kevis vy gras y'th tewlagas, ty dhe'm aswonn, ha my estren?’

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’