Niverow 30:12 - An Bibel Kernewek 20234 (Kernewek Kemmyn)

¹² Mes mar kwra hy gour aga dilea y'n jydh ma's klew, ena pyth pynag a dheffo a'y diwweus a-dro dh'y ambosow, po a-dro dh'y dedhewadyow, ny wra sevel: hy gour re's dileas, ha'n Arloedh a wra gava dhedhi.

Niverow 30:12 Iomraidhean Croise

Yeremia 44:17

Yn le henna, ni a wra pup-tra re ambossyn, dhe leski ofrrynnow dhe vyghternes nev ha dinewi offrynnow diwes dhedhi, par dell wrussyn, ni ha'gan tasow, agan myghternedh, ha'gan pennsevigyon yn trevow Yuda hag yn stretow Yerusalem. Rag ena ni a'gan bo palster a voes, ha seweni heb gweles anfeus.

Yeremia 44:19

Hag yn-medh an gwragedh, ‘Pan leskyn offrynnow dhe vyghternes nev, ha dinewi offrynnow diwes dhedhi, a wrussyn tesennow dh'y gordhya ha dinewi offrynnow diwes heb agan gwer?’

Niverow 15:25

Ha'n oferyas a wra prenedh dhe'n kuntelles oll a vebyon Ysrael hag y fydh gevys dhedha; drefenn y vos kammwrians gwrys heb y wodhvos, hag i re dhros aga offrynn, offrynn dre dan dhe'n Arloedh, ha'ga offrynn pegh a-rag an Arloedh, rag aga hammweyth.

Niverow 15:28

Ha'n oferyas a wra prenedh a-rag an Arloedh rag an den a wra kammwrians heb y wodhvos, pan begh heb y wodhvos, rag prenedh ragdho; hag y fydh gevys dhodho.

Niverow 30:11

ha'y gour a glewas anodho, ha ny leveris travyth dhedhi, ha ny wrug y skonya dhedhi; ena oll hy ambosow a wra sevel, ha pub dedhewadyow dredho mayth omgolmas a wra sevel.

Niverow 30:13

Ambos pynag, po dedhewadyowyow tes pynag dhe omjastia, hy gour a yll selya, po hy gour a yll dilea.

Niverow 30:5

Mes mar kwra hy thas y skonya dhedhi y'n jydh may klew anodho, ambos vyth anedhi, dedhewadyow vyth anedhi dredho mayth omgolmas hi, ny wra sevel; ha'n Arloedh a wra gava dhedhi, drefenn hy thas dhe sevel er hy fynn.

Niverow 30:8

Mes y'n jydh may teu hy gour dhe glewes anodho ha'y skonya dhedhi, ena ev a wra dilea hy ambos esa warnedhi, ha'n lavar dibreder a'y diwweus, dredho mayth omgolmas; ha'n Arloedh a wra gava dhedhi.

1 Korinthianys 11:3

Mes my a vynn orthowgh godhvos bos Krist penn pub gour ha bos an gour penn benyn ha bos Duw penn Krist.

1 Samuel 1:23

Hag Elkana hy gour a leveris dhedhi, ‘Gwra an pyth a hevel da dhis, gorta bys pan y'n didhensys; re gollanwo an Arloedh y er.’ Ytho an venyn a drigas ha meythrin hy mab bys pan y'n didhensa.