Niverow 3:8 - An Bibel Kernewek 20234 (Kernewek Kemmyn)

⁸ i a with daffar oll tylda an kuntelles, ha'n deverow rag mebyon Ysrael dell venystrons dhe'n tabernakel.

Niverow 3:8 Iomraidhean Croise

1 Kroniklys 23:27

rag war-lergh diwettha geryow Davydh, an Levysi a veu niverys a ugens bloedh ha moy.

2 Kroniklys 29:11

Ow mebyon, na vedhewgh logh lemmyn, rag an Arloedh re'gas dewisas dhe sevel a-ragdho ha'y servya, ha dhe vos y venystoryon, ha dhe leski offrynnow dhodho.’

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Niverow 10:17

Ha pan veu disevys an tabernakel, mebyon Gershon ha mebyon Merari, neb a dhegi an tabernakel, eth yn-kerdh.

Niverow 10:21

Ena an Kohathysi eth yn-kerdh, ow toen an sentri, ha'n tabernakel a veu sevys kyns aga dos.

Niverow 3:7

I a with y dheverow ev ha deverow an kuntelles kowal a-rag tylda an kuntelles, dell venystrons dhe'n tabernakel;

Niverow 3:9

Ha ty a re an Levysi dhe Aron ha'y vebyon; i yw res oll yn tien dhodho yn sur a-dhiworth mebyon Ysrael.

Niverow 31:30

Hag a-dhiworth an hanter a vebyon Ysrael ty a gemmer onan tennys yn-mes a bub hanter-kans, a'n dus ha'n oghen ha'n asenes ha'n deves, a'n gwarthek oll, ha'ga ri dhe'n Levysi a's teves charj a dabernakel an Arloedh.’

Niverow 4:15

Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

Niverow 4:28

Hemm yw servis teyluyow mebyon an Gershonysi yn tylda an kuntelles, ha'ga charj a vydh yn-dann leuv Ithamar mab Aron an oferyas.

Niverow 4:33

Hemm yw servis teyluyow mebyon Merari, yn oll aga servis yn tylda an kuntelles, yn-dann leuv Ithamar mab Aron an Oferyas.’