Niverow 28:3 - An Bibel Kernewek 20234 (Kernewek Kemmyn)

³ Ha ty a lever dhedha, Hemm yw offrynn dre dan hag a offrynnowgh dhe'n Arloedh: dew oen unn bloedh heb namm, dydh ha dydh, avel offrynn pub-dydhyek.

Niverow 28:3 Iomraidhean Croise

1 Kroniklys 16:40

dhe offra offrynnow leskys dhe'n Arloedh war an alter a offrynn leskys heb hedhi myttin ha gorthugher, war-lergh pup-tra yw skrifys yn lagha an Arloedh a erghis ev dhe Ysrael.

2 Kroniklys 8:13

dell o dever pub dydh herwydh gorhemmynn Moyses rag an sabotys, an loeryow nowydh, ha'n tri goel blydhenyek – goel an bara heb goell, goel an seythunyow, ha goel an skovvaow.

Ezra 3:5

Hag a-wosa, i a offrynnas an offrynnow leskys pub-dydhyek erell, a'n loeryow nowydh, hag a oll goelyow apoyntys an Arloedh, hag offrynnow a bubonan neb a wrug offrynn bolonjedhek dhe'n Arloedh.

Daniel 11:31

Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Daniel 12:11

A-dhia'n prys may fydh kemmerys dhe-ves an offrynn pub-dydhyek, bys yn devedhyans pyth kasadow an difeythter, y fydh dewdhek kans deg dydh ha peswar-ugens.

Daniel 8:11

Ev a vostyas erbynn pryns an lu, ha dhiworto y feu kemmerys dhe-ves an offrynn pub-dydhyek, hag y feu domhwelys y dyller sans.

Daniel 8:13

Ha my a glewas unn sans ow kewsel; ha sans arall a leveris dhodho ev neb a gewsi, ‘Dre bes termyn y fydh an welesigeth a-dro dhe'n offrynn pub-dydhyek, ha'n treuspass a dhifeythyans, hag omrians an tyller sans ha'n lu dhe vos stankys yn-dann dreys?’

Levitikus 3:5

Ha mebyon Aron a's lesk war an alter war an sakrifis leskys usi war an prenn usi war an tan. Offrynn dre dan yw, sawer plegadow dhe'n Arloedh.

Levitikus 6:9

Gwra erghi dhe Aron ha'y vebyon ow leverel: Hemm yw lagha an offrynn leskys. An offrynn leskys a vydh war an oeles, war an alter, dres an nos bys y'n myttin, ha tan an alter a bes ow leski ynni.

Amos 4:4

Dewgh dhe Bethel, ha kammdremenewgh; dhe Gilgal, ha kammdremenewgh hwath moy; drewgh agas sakrifisow pub myttin, agas dega pub trydydh;

Niverow 28:10

hemm yw an offrynn leskys a bub sabot, ryb an offrynn leskys pub-dydhyek ha'y offrynn diwes.

Niverow 28:15

Ynwedh unn bogh rag offrynn pegh dhe'n Arloedh; offrynnys vydh, ryb an offrynn leskys pub-dydhyek ha'y offrynn diwes.

Niverow 28:23

Ty a wra offrynna an re ma, ryb offrynn leskys an myttin, hag yw rag offrynn leskys pub-dydhyek.

Niverow 28:24

Y'n keth vaner ty a wra offrynna pub dydh, dres seyth dydh, boes offrynn dre dan, sawer plegadow dhe'n Arloedh; offrynnys vydh ryb an offrynn leskys pub-dydhyek ha'y offrynn diwes.

Niverow 28:31

Ryb an offrynn leskys pub-dydhyek ha'y offrynn greun, hwi a's offrynn gans aga offrynnow diwes. I a vydh dhywgh heb namm.

Niverow 28:4

An eyl oen ty a wra offrynna myttinweyth, ha'y gila ty a wra offrynna y'n gorthugher;

Niverow 29:11

ynwedh unn bogh rag offrynn pegh, ryb offrynn pegh an prenedh, ha'n offrynn leskys pub-dydhyek, ha'ga offrynnow diwes.

Niverow 29:16

ynwedh unn bogh rag offrynn pegh, ryb an offrynn leskys pub-dydhyek, y offrynn greun ha'y offrynn diwes.

Niverow 29:6

ryb offrynn leskys an loer nowydh, ha'y offrynn greun, ha'n offrynn leskys pub-dydhyek, ha'y offrynn greun, ha'ga offrynnow diwes, herwydh an ordenans ragdha, sawer plegadow, offrynn dre dan dhe'n Arloedh.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Ebrowyon 9:6

An darbarow ma gwrys yndellma, yth a an oferysi pup-prys y'n kynsa tabernakel rag gul aga gwasonieth;

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.