Niverow 28:2 - An Bibel Kernewek 20234 (Kernewek Kemmyn)

² Gorhemmynn dhe vebyon Ysrael, ha leverel dhedha: Ow offrynn, ow boes rag ow offrynnow leskys, ow sawer plegadow, gwaytyewgh profya dhymm yn y seson ewn.

Niverow 28:2 Iomraidhean Croise

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

1 Kroniklys 23:31

ha peskweyth mayth yw offrynnys offrynnow leskys dhe'n Arloedh yn sabotys, yn loeryow nowydh hag yn dy'goelyow, herwydh an niver rekwirys anedha, heb hedhi a-dherag an Arloedh.

2 Kroniklys 23:18

Yehoyada a ros an charj dhe worvires chi an Arloedh dhe'n oferysi ha'n levysi a apoyntyas Davydh yn chi an Arloedh dhe offrynna offrynnow leskys dhe'n Arloedh, par dell yw skrifys yn lagha Moyses, gans lowena ha gans kana, herwydh gorhemmynn Davydh.

2 Kroniklys 31:3

An myghtern a ros a'y bythow y honan rag an offrynnow leskys, offrynnow leskys an myttin ha'n gorthugher, ha'n offrynnow leskys rag an sabotys, an loeryow nowydh ha'n goelyow apoyntys, dell yw skrifys yn lagha an Arloedh.

Ezra 3:2

Ena Yeshua mab Yosadak a sevis, ha'y vreder an oferysi, ha Zerubbabel mab Shealtiel ha'y vreder, hag i a dhrehevis alter Duw Ysrael rag offrynna offrynnow leskys warnedhi, dell yw skrifys yn lagha Moyses gour Duw.

Ezra 3:3

I a settyas an alter war hy selyow, rag yth esa own dhedha a boblow an broyow na; hag i a offrynnas offrynnow leskys warnedhi dhe'n Arloedh, offrynnow leskys an myttin ha'n gorthugher.

Nehemia 10:34

Hag ynwedh ni re dewlis prenn – an oferysi, an Levysi, ha'n bobel – rag an offrynn keunys, dh'y dhri yn chi agan Duw, herwydh chiow agan tasow, yn termynyow apoyntys, blydhen wosa blydhen, dhe leski war alter an Arloedh agan Duw, dell yw skrifys y'n lagha.

Salmow 81:3

Hwythewgh an trompa y'n loer nowydh, y'n loer leun, yn agan dy'goel.

Eksodus 23:15

Ty a wra goelya goel an bara heb goell; dell worhemmynnis dhis, ty a wra dybri bara heb goell seyth dydh dhe'n prys ordenys y'n mis Abib, rag ynno y teuthewgh yn-mes a Ejyp. Ny wra nagonan sevel a-ragov gwag y dhorn.

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Ezekiel 16:19

Ha'm bara a res dhis, bleus fin hag olew ha mel, a res dhis dhe dhybri, ty a settyas a-ragdha rag sawer plegadow; hag yndella y feu, yn-medh an Arloedh Duw.

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 45:17

Dever an pennsevik a vydh ri an offrynnow leskys, offrynnow greun, hag offrynnow diwes y'n goelyow, y'n loeryow nowydh hag y'n sabotys, oll an goelyow apoyntys a ji Ysrael; ev a brovi an offrynnow pegh, an offrynnow greun, an offrynnow leskys, ha'n offrynnow kres, dhe wul prenedh rag chi Ysrael.

Levitikus 1:13

Mes ev a wolgh an pottys ha'n garrow gans dowr; ha'n oferyas a dhre oll anodho ha'y leski war an alter. Sakrifis leskys yw, offrynn dre dan, sawer plegadow dhe'n Arloedh.

Levitikus 1:17

Ev a'n skward der an eskelli mes ny wra y ranna yn tien, ha'n oferyas a'n lesk war an alter, war an prenn usi war an tan. Sakrifis leskys yw, offrynn dre dan, sawer plegadow dhe'n Arloedh.

Levitikus 1:9

Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.

Levitikus 21:6

I a vydh sans dh'aga Duw, ha ny dhisakrons hanow aga Duw, rag i a offrynn offrynnow dre dan dhe'n Arloedh, bara aga Duw. Ytho, sans vydhons.

Levitikus 21:8

Ytho, ty a'n sansha, rag ev a offrynn bara dha Dhuw. Sans vydh dhiso, rag sans ov vy, an Arloedh neb a'gas sansha.

Levitikus 3:11

Ha'n oferyas a's lesk war an alter avel boes, offrynn dre dan dhe'n Arloedh.

Malaki 1:12

Mes hwi a'n disaker ow leverel, ‘Moes an Arloedh yw defolys, ha'y frut, hy boes, yw dispresys.’

Malaki 1:7

Hwi a offrynn war ow alter boes defolys! Mes hwi a lever, ‘Fatell re'th tefolsyn?’ Pan leverowgh hwi moes an Arloedh dhe vos koeg.

Niverow 15:24

ena mar peu gwrys heb y wodhvos ha heb godhvos an kuntelles, an kuntelles oll a wra offrynna unn tarow yowynk rag offrynn leskys, sawer plegadow dhe'n Arloedh, gans y offrynn greun ha'y offrynn diwes, war-lergh an devosow usadow, hag unn bogh rag offrynn pegh.

Niverow 15:3

hag offrynna offrynn dre dan dhe'n Arloedh, offrynn leskys, po sakrifis dhe gollenwel ambos, po avel offrynn bolonjedhek a'n chatel po a'n flokk po orth agas goelyow apoyntys, rag gul sawer plegadow dhe'n Arloedh,

Niverow 15:7

ha rag an offrynn diwes ty a brof tressa rann a hin a win, sawer plegadow dhe'n Arloedh.

Niverow 28:1

An Arloedh a leveris dhe Moyses:

Niverow 29:39

An re ma hwi a wra offrynna dhe'n Arloedh yn agas goelyow, keffrys ha'gas ambosow ha'gas offrynnow bolonjedhek, rag agas offrynnow leskys, ha rag agas offrynnow greun, ha rag agas offrynnow diwes, ha rag agas offrynnow kres.

Niverow 9:13

Mes an gour yw glan ha heb bos ow vyajya, mes hwath a omwith rag gwitha an pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh.

Niverow 9:7

ha'n wer na a leveris dhodho, ‘Avlan on dre dochya korf marow den; prag yth yw difennys orthyn offrynna offrynn an Arloedh y'n termyn apoyntys yn mysk mebyon Ysrael?’

2 Korinthianys 2:15

drefenn agan bos odour hweg Krist dhe Dhuw yn mysk an re ow pos selwys hag yn mysk an re usi ow mos dhe goll,

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.