Niverow 27:16 - An Bibel Kernewek 20234 (Kernewek Kemmyn)

¹⁶ ‘Gas an Arloedh, Duw spyrysyon oll kig, dhe ordena gour a-ugh an kuntelles,

Niverow 27:16 Iomraidhean Croise

1 Myghternedh 5:5

Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.”

2 Myghternedh 11:8

I a gyrghynn an myghtern, pub huni gans arvow yn y leuv; ha piwpynag a dheffo nes dhe'n renkow a vydh ledhys. Bedhewgh gans an myghtern plepynag yth ello.’

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Yeremia 3:15

Ha my a re dhywgh bugeledh herwydh ow holonn, hag i a'gas mag gans godhvos ha konvedhes.

Yeremia 32:27

Otta, my yw an Arloedh, Duw pub kig; eus neppyth re gales ragov?

Yeremia 38:16

Ytho Sedekia an myghtern a dos yn-dann gel dhe Yeremia, ‘Dell vew an Arloedh, a ros dhyn agan bewnans, ny'th worrav dhe'n mernans, na ny'th rov yn leuv an wer ma a hwila dha vewnans.’

Ezekiel 18:4

Otta, oll an enevow yw dhymm; keffrys enev an tas hag enev an mab yw dhymm. An enev a begh a verow.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Niverow 27:15

Moyses a leveris dhe'n Arloedh,

Matthew 9:38

pysewgh ytho Arloedh an drevas may tannvonno gonisysi bys yn y drevas.’

Yowann 10:11

‘My yw an bugel da. An bugel da a dhaskorr y vewnans rag y dheves.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Dewteronomi 31:14

Ena an Arloedh a leveris dhe Moyses, ‘Otta, an dydhyow a nes rag dha vernans. Galw Yoshua ha sevewgh orth tylda an kuntelles, ha my a re dhodho charj.’ Ytho Moyses ha Yoshua a sevis orth tylda an kuntelles.

Ebrowyon 12:9

Pella, ni a'gan bo tasow war-lergh an kig dh'agan keredhi ha ni a wre vri anedha. A ny vydhyn hwath moy gostydh dhe Das an spyrysyon, ha bewa?

1 Samuel 12:13

Ytho, otta an myghtern neb re dhewissowgh, ha neb re vynnsowgh; hag awotta, an Arloedh re settyas myghtern warnan.