Niverow 26:10 - An Bibel Kernewek 20234 (Kernewek Kemmyn)

¹⁰ ha'n dor a igoras y anow ha'ga howllenki war-barth gans Koragh, pan verwis an kowethas na, pan gowlloskas an tan dew kans gwer ha hanter-kans; hag i a dheuth ha bos gwarnyans.

Niverow 26:10 Iomraidhean Croise

Eksodus 16:35

Ha mebyon Ysrael a dhybris an manna dew-ugens blydhen, bys pan dheuthons dhe dir annedhys; i a dhybris an manna bys pan dheuthons dhe or pow Kanan.

Yeremia 29:22

Hag i a vydh ensampel rag oll an dhivresow a Yuda yn Babylon pan wrons mollethi, ow leverel: ‘Re'th wrello an Arloedh avel Sedekia hag Ahab, a veu rostys y'n tan gans myghtern Babylon’,

Ezekiel 14:8

My a sett ow fas erbynn an gour ma ha'y wul ensampel ha henlavarow, ha my a'n tregh yn-mes a'm pobel. Ena hwi a woer my dhe vos an Arloedh.

Niverow 16:2

hag i a sevis a-rag Moyses gans niver a vebyon Ysrael, dew kans ha hanter-kans hembrenkyas a'n gemmynieth, dewisys a'n kuntelles, gerys-da;

Niverow 16:38

Ynkyslestri an re ma, neb a beghas orth kost aga bewnans, bedhens gwrys yn platyow mortholys avel gorheras an alter, rag i a's offrynnas a-rag an Arloedh; rakhenna sans yns. Yndellma y fydhons tokyn dhe vebyon Ysrael.

Niverow 17:3

ha skrif hanow Aron war welenn Levi. Rag y fydh unn welenn rag penn chi pub tas.

Niverow 27:3

‘Agan tas a verwis y'n gwylvos; nyns esa ev yn mysk kowethas an re a omguntellas war-barth erbynn an Arloedh yn kowethas Koragh, mes ev a verwis a'y begh y honan; ha ny'n jevo mebyon.

Dewteronomi 11:6

an pyth a wrug dhe Dathan ha dhe Abiram, mebyon Eliab mab Rewben, fatell igoras an dor y anow, ha'ga howllenki, gans aga thiogethyow, ha'ga thyldow, ha pub tra vew a veu dhedha yn mysk Ysrael oll.

Dewteronomi 28:46

I a vydh warnas avel tokyn ha marth, ha war dha has bys vykken.

2 Peder 2:6

ha mar tampnyas sitys Sodom ha Gomorra dhe dhiswrians, orth aga leski dhe lusu yn ensampel dhe dus a vynno bewa ongrassyes;

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

1 Samuel 2:34

Hemma a vydh tokyn dhis, an pyth a dheu war dha dhew vab, Hofni ha Finehas: aga dew a verow war an keth jydh.