Niverow 24:9 - An Bibel Kernewek 20234 (Kernewek Kemmyn)

⁹ Ev a blattyas, ev a wrowedhas avel lew, hag avel lewes; piw a'n gwra dhe dhifuna? Benniges re bo pubonan a'th vennik, ha milliges re bo pubonan a'th villik.’

Niverow 24:9 Iomraidhean Croise

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 49:9

Kolen lew yw Yuda. Dhiworth an preydh, ow mab, ty res eth yn-bann. Ev a blattyas, ev a wrowedhas kepar ha lew, ha kepar ha lewes; piw a wra dhodho sevel?

1 Myghternedh 10:20

ha dewdhek lew a'ga sav orth an dhew benn a bubonan a'n hwegh gris. Ny veu gwrys bythkweth travyth haval yn gwlaskor vyth.

2 Kroniklys 9:18

Yth esa dhe'n tron hwegh gris ha skavell-droes, hag i a veu stegys orth an tron. A bub tu dhe'n esedhva yth esa breghva, ha dew lew a'ga sav ryb an breghvaow,

Ester 6:13

Ha Haman a dherivas orth Zeresh y wreg hag oll y gowetha pup-tra re hwarvia dhodho. Yn-medh y dus skentel ha Zeresh y wreg dhodho, ‘Mordekay, may tallathas dha derroes a-ragdho, yw a has an Yedhewon; ny wre'ta prevaylya er y bynn, mes koedha a wredh a-ragdho yn surredi.’

Job 41:10

Nyns yw denvyth fell lowr rag y dhifuna. Ytho piw a yll sevel a-dheragov?

Salmow 122:6

Pysewgh kres a-barth Yerusalem; re sewenno an re a'th kar.

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Eksodus 23:22

Mes mar koslowydh yn ta orth y lev ha gul pup-tra a lavarav, ena my a vydh eskar dhe'th eskerens hag erbynner dhe'th erbynnoryon.

Ysay 31:4

Rag yndellma y leveris an Arloedh dhymm: Kepar dell romm lew po lew yowynk erbynn y breydh, pan vo routh a vugeledh gelwys er y bynn, ny berth own a'ga lev na ny'n jeves euth aga thros, yn kettella Arloedh an luyow a dhiyskynn dhe vatalyas war venydh Sion, ha war hy bronn.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Niverow 22:12

Duw a leveris dhe Balaam, ‘Ny wredh mos gansa; ny wredh mollethi an bobel, rag benniges yns.’

Niverow 22:6

Deus lemmyn, molloth an bobel ragov, rag aga bos re alloesek ragov; martesen y hallav aga fetha ha'ga fesya dhiworth an tir; rag dell wonn, ev neb a vennigydh yw benniges, ha neb a vollethydh yw mollothek.’

Niverow 23:24

Awotta pobel a sev avel lewes, hag a omdhrehav avel lew; ny wrowedh bys pan dhevor an preydh, hag eva goes an re ledhys.’

Niverow 24:10

Ha sorr Balak a dhewis erbynn Balaam, hag ev a weskis y dhiwdhorn war-barth; ha Balak a leveris dhe Balaam, ‘My a'th elwis dhe vollethi ow eskerens, hag otta, ty re's bennigas an teyr gweyth ma.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Oberow 9:5

Yn-medh ev, ‘Piw osta, Arloedh?’ Hag ev a leveris, ‘My yw Yesu, neb a helghydh.

Dewteronomi 30:7

An Arloedh dha Dhuw a worr oll an mollothow ma war dha eskerens ha war an re a'th kas, neb a'th helghyas.