Niverow 24:8 - An Bibel Kernewek 20234 (Kernewek Kemmyn)

⁸ Duw a'n dre yn-mes a Ejyp; ev a'n jeves dell hevel kern an ojyon gwyls, ev a wra dybri kenedhlow y eskerens, ha terri aga eskern, ha'ga gwana gans y sethow.

Niverow 24:8 Iomraidhean Croise

Salmow 2:9

Ty a's terr gans gwelenn horn; ty a's brew dhe demmyn avel lester gweythor pri.’

Salmow 21:12

Rakhenna ty a wra dhedha treylya aga heyn; ty a dharbar kerdyn dha waregow erbynn aga fasow.

Salmow 45:5

Lymm yw dha sethow yn kolonn eskerens an myghtern; poblow a goedh yn-dannos.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Eksodus 23:22

Mes mar koslowydh yn ta orth y lev ha gul pup-tra a lavarav, ena my a vydh eskar dhe'th eskerens hag erbynner dhe'th erbynnoryon.

Ysay 38:13

My a wrowedhas bys vyttin; avel lew, yndella ev a derr oll ow eskern; dydh ha nos ty a'm dre dhe dhiwedh.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Niverow 14:9

Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Niverow 21:5

Ha'n bobel a gewsis erbynn Duw hag erbynn Moyses, ‘Prag y'gan dresys yn-mes a Ejyp dhe verwel y'n gwylvos? Rag nyns eus boes na dowr, ha kas yw genen an boes diles ma.’

Niverow 23:22

Duw a's dre yn-mes a Ejyp; i a's teves, dell hevel, kern an ojyon gwyls.

Niverow 23:24

Awotta pobel a sev avel lewes, hag a omdhrehav avel lew; ny wrowedh bys pan dhevor an preydh, hag eva goes an re ledhys.’

Matthew 2:15

hag yth esa ev ena bys vernans Herod, rag may fe kollenwys an dra kewsys gans an Arloedh der an profoes, ow leverel, ‘Yn-mes a Ejyp my re elwis ow mab.’

Dewteronomi 32:23

My a worr bern a dhrogow warnedha; oll ow sethow a spenav warnedha.

Dewteronomi 32:42

My a wra dhe'm sethow bos medhow gans goes, ha'm kledha a dheber kig – gans goes an re ledhys ha'n gethyon, dhiworth pennow ledyoryon an eskar.

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Yoshua 2:10

Ni re glewas fatell dhesyghas an Arloedh dowrow an Mor Rudh a-ragowgh pan ethewgh yn-mes a Ejyp, ha'n pyth a wrussowgh dhe dhew vyghtern an Amorysi esa dres an Yordan, dhe Sihon ha dhe Og, a sakersys dhe dhistruyans.