Niverow 23:10 - An Bibel Kernewek 20234 (Kernewek Kemmyn)

¹⁰ Piw a yll nivera doust Yakob, po rekna an peswora rann a Ysrael? Gas vy dhe verwel mernans an re wiryon, ha bedhes ow diwedh avel aga diwedh i!’

Niverow 23:10 Iomraidhean Croise

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 28:14

Ha'th has a vydh kepar ha doust an dor ha ty a wra omlesa dhe'n howlsedhes, dhe'n howldrevel, dhe'n kledh ha dhe'n dyghow, hag oll teyluyow an norvys a vydh benniges ynnos hag y'th has.

Salmow 116:15

Drudh yn golok an Arloedh yw mernans y syns.

Salmow 37:37

Merk an den divlam, ha mir orth an den ewnhynsek, rag yma henedh dhe'n den a gres.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Niverow 2:16

Niver kowal kamp Rewben herwydh aga luyow, yw kans, unnek ha dew-ugens a vilyow, peswar kans ha hanter-kans. I a wra mos yn nessa war an kerdh.

Niverow 2:24

Niver kowal kamp Efraym, herwydh aga luyow, yw kans hag eth a vilyow, kans. I a wra mos yn tressa war an kerdh.

Niverow 2:31

Niver kowal kamp Dan yw kans, seytek ha dew-ugens a vilyow, hwegh kans. I a wra mos yn tiwettha, ryb aga baneryow.’

Niverow 2:9

Niver kowal kamp Yuda, herwydh aga luyow, yw kans, hwegh ha peswar-ugens a vilyow, peswar kans. I a wra mos yn kynsa war an kerdh.

Niverow 31:8

I a ladhas myghternedh Midyan, gans an re erell anedha a veu ledhys – Evi, Rekem, Sur, Hur, ha Reba, an pymp myghtern a Midyan; hag ynwedh i a ladhas Balaam mab Beor gans an kledha.

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

Diskwedhyans 14:13

Ha my a glewas lev dhiworth nev ow leverel, ‘Skrif: Gwynnvys an re varow a verow y'n Arloedh alemma rag.’ ‘Ya’, yn-medh an Spyrys, ‘may hallons i powes a'ga lavur, rag yma aga oberow orth aga siwya.’