Niverow 22:7 - An Bibel Kernewek 20234 (Kernewek Kemmyn)

⁷ Ytho henavogyon Moab ha henavogyon Midyan eth yn-kerdh gans pygans rag dewinieth yn aga dorn, ha dos dhe Balaam, ha ri dhodho messaj Balak.

Niverow 22:7 Iomraidhean Croise

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 56:11

Keun krev aga ewl yns i, nevra ny gevons lowr. I yw bugeledh na wodhons konvedhes; i oll re dreylyas dh'aga fordh aga honan, pubonan dh'y brow y honan, onan hag oll.

Ezekiel 13:19

Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.

Ezekiel 21:21

Rag myghtern Babylon a sev orth diberthva an fordh, orth penn an dhiw fordh, dhe wul dewinieth. Ev a shak sethow, ev a hwila kusul orth an terafim, ev a vir orth an avi.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Niverow 22:8

Hag ev a leveris dhodho, ‘Trigewgh omma an nos ma, ha my a dhre dhywgh ger, dell gews an Arloedh dhymm’; ytho pennsevigyon Moab a wortas gans Balaam.

Niverow 23:23

Rag nyns eus dewinieth erbynn Yakob, na koel erbynn Ysrael. Lemmyn y fydh leverys a Yakob, hag a Ysrael, “Pandr'a wrug Duw!”

Niverow 24:1

Pan welas Balaam bos plegadow dhe'n Arloedh benniga Ysrael, nyns eth, avel yn prysyow erell, dhe gavoes dewinieth, mes settya y fas war-tu ha'n gwylvos.

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

Yoshua 13:22

An Ysraelysi a ladhas Balaam mab Beor, an koelyek gans an kledha yn mysk an re ledhys erell.

2 Peder 2:15

Ow kasa an fordh ewn, i a sowdhanas, ow siwya fordh Balaam mab Beor a garas gober droktra,

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.