Niverow 22:6 - An Bibel Kernewek 20234 (Kernewek Kemmyn)

⁶ Deus lemmyn, molloth an bobel ragov, rag aga bos re alloesek ragov; martesen y hallav aga fetha ha'ga fesya dhiworth an tir; rag dell wonn, ev neb a vennigydh yw benniges, ha neb a vollethydh yw mollothek.’

Niverow 22:6 Iomraidhean Croise

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

1 Myghternedh 22:13

An gannas gyllys dhe elwel Mikaya a leveris dhodho, ‘Mir, geryow an brofoesi gans unn akord yw faveradow dhe'n myghtern; bedhes dha er, my a'th pys, haval dhe onan anedha, ha kewsel yn ewn.’

1 Myghternedh 22:6

Ena myghtern Ysrael a guntellas war-barth an brofoesi, a-dro dhe beswar kans anedha, ha leverel dhedha, ‘Av vy dhe vatalyas orth Ramoth-gilead, po a hedhav?’ I a leveris, ‘Ke, rag an Arloedh a's re yn leuv an myghtern.’

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

Nehemia 13:2

drefenn na vetsons fleghes Ysrael gans bara ha dowr, mes i a arvethas Balaam er aga fynn rag aga mollethi. Byttegyns, agan Duw a dreylyas an volleth dhe vennath.

Salmow 109:28

Mollethens i, mes ty bennik; pan sevons, perthens i meth; mes lowenhes dha was.

Lavarow Koth 26:2

Avel golvan ow ternija, avel gwennel ow nija, ny dheu molleth heb kaws dhe bowes.

Ezekiel 13:6

I re welas fals welesigethow, ha'ga dewinieth yw gow. Yn-medhons, ‘An Arloedh a lever’, kyn na wrug an Arloedh aga dannvon, hag i a wayt aga ger dhe vos kollenwys.

Mika 6:5

Ow fobel vy, porth kov a'n pyth a gusulyas Balak myghtern Moab, hag a'n pyth a worthybis dhodho Balaam mab Beor, hag a'n pyth a hwarva dhiworth Shittim bys Gilgal, rag mayth aswonni gweythresow gwiryon an Arloedh.’

Niverow 22:12

Duw a leveris dhe Balaam, ‘Ny wredh mos gansa; ny wredh mollethi an bobel, rag benniges yns.’

Niverow 22:17

rag my a re dhywgh yn sur enor meur, ha pup-tra a leverydh dhymm my a'n gwra; dewgh, mollethewgh an bobel ma ragov.” ’

Niverow 23:13

Ha Balak a leveris dhodho, ‘Deus genev dhe gen tyller, alena may hyllydh aga gweles; ny welydh marnas an rann ogassa, ha ny's welydh oll; ena gwra aga mollethi ragov alena.’

Niverow 23:27

Ha Balak a leveris dhe Balaam, ‘Deus lemmyn, my a'th kemmer dhe gen tyller; martesen y fydh plegadow dhe Dhuw ma's molletthi ragov alena.’

Niverow 24:9

Ev a blattyas, ev a wrowedhas avel lew, hag avel lewes; piw a'n gwra dhe dhifuna? Benniges re bo pubonan a'th vennik, ha milliges re bo pubonan a'th villik.’

Oberow 16:16

Ha dell hwarva, ha ni ow mos dhe'n tyller a bysadow, unn vaghteth ha gensi spyrys a dhewinieth a dheuth er agan pynn, neb a dhri meur a wayn dh'y mestrysi ow targana fortunyow.

Dewteronomi 23:4

drefenn na'gas metsons gans bara ha gans dowr y'n fordh pan dheuthewgh yn-mes a Ejyp, hag arveth er dha bynn Balaam mab Beor dhiworth Pethor yn Aram Naharaym dhe'th vollethi.

Yoshua 24:9

Ena Balak mab Sippor, myghtern Moab, a sevis dhe omladh erbynn Ysrael. Ev a dhannvonas ha gelwel dhe Balaam mab Beor, dh'agas mollethi.

1 Samuel 17:43

An Filistyas a leveris dhe Davydh, ‘Ov vy ki, may teudh dhymm gans lorghow?’ Ha'n Filistyas a vollethis Davydh der y dhuwow.