Niverow 21:6 - An Bibel Kernewek 20234 (Kernewek Kemmyn)

⁶ Ena an Arloedh a dhannvonas serf tanek yn mysk an bobel, hag i a vrathas an bobel, may ferwis lies den a Ysrael.

Niverow 21:6 Iomraidhean Croise

Ysay 14:29

Na lowenha, Filistia, ty oll, drefenn bos dralys an welenn a'th weskis; rag dhiworth gwreydhenn an sarf y teu nader, ha'y frut a vydh sarf askellek.

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Yeremia 8:17

Rag, otta, my a dhannvon serf, nadres, yn agas mysk, na yll bos husys, hag i a'gas brath, yn-medh an Arloedh.

Ezekiel 14:15

Mar tannvonav drog woedhviles der an pow ha'y dhibobla, may fo difeyth, ha ma na allo denvyth tremena drefenn an bestes,

1 Korinthianys 10:9

Ny goedh dhyn previ Krist par dell wrug rann anedha, hag a vons distruys gans serf;

Dewteronomi 8:15

neb a wrug dhis kerdhes y'n gwylvos bras hag euthyk, le mayth esa a'n sarf danek ha'n skorpyon, ha syghtir le ma nag eus dowr; neb a dhros dowr yn-mes dhis dhiworth karrek an kellester;